Éxodo 24:9 - La'aqtaqa Ñim Lo'onatac 'Enauacna 2013

⁹ Ime, nache so Moisés tasheguemec aso qasoxonaxa, nnaictague' so Aarón, Nadab, Abiú qataq so setenta lqueroxonecpi so Israel le'ecpi.

Éxodo 24:9 Referans Kwoze

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Éxodo 19:24

Qalaxaye Ñim Nataxala' 'enapeco': «'Asoma, 'aunotec. Qaq qom ime, nache qaltaq 'annotsheguem, 'annaictague' qome ca Aarón. Qalaxaye ye ntaxaỹaxanaxanecpi qataq ye shiỹaxauapi qonapega da saishet da napacalec so na'anec da aỹem nnotsheguema. ¡Ten qom selaxachigui yemayepi!»

Éxodo 28:1

«Qaq 'am, qonapega qome ñi Aarón qataq soua llalqa Nadab, Abiú, Eleazar qataq so Itamar da yaqto' nachesoua qome soua itaxaỹaxanaxanqa da sachegoxotaigui na Israel le'ecpi.

Levítico 10:1

So Nadab qataq so Abiú, maye llalqa so Aarón, soomaye ỹacoora soua laỹe't so nchenaxanaxat, nache ỹacherangui so norec qataq ỹavigaxat so nchenaxanaxat maye ama na laita, nache ỹaarot Ñim Nataxala', qaq de'era 'eeteque soomaye saishet da lataxac da namaxasoxonaxac.

Números 11:16

Qalaxaye Ñim Nataxala', 'eeta': «'Alaỹona't qome ca setenta nqueroxonecpi Israel le'ecpi, maye lataxala'pi ne'ena nhuo' le'ecpi, nache 'auauegueua'a ye ñegueuo ñi npe'l, nache camayepi qataq 'am, aỹem qauachiỹaique qome.

Ezequiel 44:3

Qaq nachecata qome ca nta'a maye ishet da pa'auo da yaqto' nso'ooñi da deque'e, datato'ot Ñim Nataxala'. Qaq camaye iuen da tateua'a ñi ñegueuo ñim lasom, qataq nache tateuga da huenoxonec.»

Éxodo 33:20

Qalaxaye 'am sa'aqtaxaatem da saishet qome da 'aulogui da ỹashiguiỹaxac, cha'aye qaica ca shiỹaxaua da ilogui da ỹashiguiỹaxac, nache queta da nca'altauec.»

Jueces 13:22

nache somaye 'enapega aso lhua, 'eeta': Yo'oqta da seleuaq qome, cha'aye mashe ñauanaxai' Ñim Lo'onatac 'Enauacna.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.