Éxodo 24:8 - La'aqtaqa Ñim Lo'onatac 'Enauacna 2013

⁸ Ime, nache so Moisés ỹacona se'eso ntago'q, nache ichegoxolec 'enauac so shiỹaxauapi. Nache 'enapeco': ‹Ne'ena ntago'q, nachena na ỹoqta 'itchiguiñi naqa'en da Ñim Nataxala' qami' naỹamaxateto, chegoqchiguilo ne'enaua la'aqtaqa Ñimaye›.

Éxodo 24:8 Referans Kwoze

Éxodo 24:6

Ime, nache so Moisés ỹacona so laỹe se'eso ntago'q ỹauo'o aso laỹe'pi. Qaq so laỹe se'eso ntago'q, qalaxaye ichegoxolec aso nca'atoxonaxalate.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

1 Corintios 11:25

Qaq co'ollaq mashe ime da lquia'axac, nache ỹacona aso ỹomaxaqui. Nache 'enapeco': «Ana'ana ỹomaxaqui, anamaye naigui da dalaxaic naỹamaxataxac Ñim Lo'onatac 'Enauacna da qami' naỹamaxatto, chegoqchiguilo naua itago'q. Qaq da ivita da qanỹomiigui, nache qaltaq qauennache Aỹem.»

Marcos 14:24

Nache 'enapegalo', 'eeta': «Ne'enaua nachenaua na itago'q. Naamaye nachenaua naua chegoqchiguilo da Ñim Lo'onatac 'Enauacna ỹo'ot da naỹamaxataxac da qami' naỹamaxatto 'enauac da qoñiita. Ne'enaua itago'q naigui da qalota na qanca'alaxatec.

Lucas 22:20

Qaq nache ỹe'enaxatteguet nataqa'en aso ỹomaxaqui maye nlaqchigui na lataxa co'ollaq mashe ime da nquia'axac, nache 'eeta': –Ne'ena lataxa nachenaua naua itago'q maye huecolde'c, souaxat da qoñiita. Qataq naamaye nachenaua naua chegoqchiguilo da Ñim Lo'onatac 'Enauacna qami' naỹamaxatto.

Zacarías 9:11

'Era da la'aqtac Ñim Nataxala': «'Am Jerusalén, souaxat so ntago'q maye chegoqchigui da 'am ñaỹamaxate', nache Aỹem ñeqateeguesop qome añi nshere maye qaica ca le'ec, na 'arcoñetegueshecpi maye netangui añimaye.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Isaías 52:15

qaq nache 'eetec nataqa'en qome da qalota na ỹotta'a't shiỹaxauapi nam huo'o da la'aalaxa, qaq na nta'alpi qom ila'a nache 'eco' qaicaua naua la'aqtaqa, cha'aye ỹauaachigui qataq ỹaỹaten qome dam sa ỹauanega da hua'aqchigui.

Levítico 8:30

Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, qataq aso laỹe' so ntago'q maye netaleguete aso nca'atoxonaxalate, nache ichegoxoleguete soua Aarón qataq soua llalqa, nataqa'en soua alogo so ntaxaỹaxanaxanec da qaitaxaỹapegue' Ñim Nataxala'. Qaq 'era da 'eetec co'ollaxa da qoỹaneuo da ntaxaỹaxanaxanec so Aarón, qataq soua llalqa da yaqto' qui'itta da lataxa'c qataq soua alogo.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Josué 24:25

Qaq nacheso se'eso na'a'q, co'ollaq huaña ye Siquén, da so Josué qaltaq ỹo'ot so naỹamaxataxac na Israel le'ecpi, nache ỹanem na namaxasoxonaxacpi qataq na nqataxacpi.

1 Reyes 8:9

Qaq asa'aso arca maye laỹe' da aỹamaxataxac qalaq nachesouate' soua dos coma'ye dapaqaiqa da huetanguilo co'ollaxa, maye so Moisés ỹacheranguilo asomaye co'ollaq huaña ye Horeb, yem huaña co'ollaq Ñim Nataxala' naỹamaxate' so Israel le'ecpi, co'ollaq ca'ai ye Egipto.

Salmos 78:36

Qalaxaye na alap qataq ñi lachaxat, choche nanoldec naua 'onaxaiqa latenataxanaxaco,

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Deuteronómio 5:2

Ñim Nataxala' maye Qanatamnaxala', qomi' naỹamaxateto co'ollaq huaña añi qasoxonaxa Horeb.

1 Reyes 8:21

Qaq nataqa'en so'ot ye ndaqa' na pa'auo añimaye da yaqto' lma' ñaqa'en añi arca maye laỹe' da naỹamaxataxac Ñim Nataxala' co'ollaq naỹamaxate' so hua'au qarta'alpi, co'ollaq nqateeguesop ye Egipto.»

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Hageo 2:5

Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.