Éxodo 24:7 - La'aqtaqa Ñim Lo'onatac 'Enauacna 2013

⁷ Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.

Éxodo 24:7 Referans Kwoze

1 Ts 5:27

Cha'aye aỹem lamaxashec So Qarataxala', qaq nagui qami' seqatalo da qautaxaỹaxañi ana ỹere da na'axaỹaxana 'enauac qanqa'eñi na qarqaỹañicpi.

Colosenses 4:16

Qaq qom ime da qautaxaỹaxañi ana'ana ỹere, nache qauamaqaỹa qome na 'amqaanataxanaxaicpi maye netaña ye nỹecpi ye Laodicea, da yaqto' nataqa'en itaxaỹaxan. Qataq nataqa'en qautaxaỹaxañi qome aca ỹere maye samaxa yemaye.

Hechos 13:15

Qaq co'ollaq ime da qaitaxaỹaxaatac aso lere so Moisés maye huetalec na nqataxacpi qataq asom lere som la'aqtaxanaxanecpi Ñim Lo'onatac 'Enauacna, nache soua nataxala'ate asom napaxaguenaxaqui na judiopi, soomaye 'enapegalo soua Pablo qataq soua lỹa't, 'eeta': –Qami' qarqaỹa't, da huo'o ca qauauoitaique da qara'añaqtaxanaxaqui, nache no'on da qaua'axachem nagui na shiỹaxauapi.

Éxodo 19:8

Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.

Josué 24:24

Nache so nhuo' le'ecpi, 'enapeco': «Qomi' so'onataxanaqot qome Ñim Nataxala' maye Qanatamnaxala', qataq so'otaq 'enauac na qomi' ỹamaxaleguete.»

1 Reyes 8:9

Qaq asa'aso arca maye laỹe' da aỹamaxataxac qalaq nachesouate' soua dos coma'ye dapaqaiqa da huetanguilo co'ollaxa, maye so Moisés ỹacheranguilo asomaye co'ollaq huaña ye Horeb, yem huaña co'ollaq Ñim Nataxala' naỹamaxate' so Israel le'ecpi, co'ollaq ca'ai ye Egipto.

Salmos 50:5

«Qalapoñiỹa't qome 'enauac na aỹem quetague', nam aỹem naỹamaxate' co'ollaxa, nache ỹavigaxat so lachetaqtaxanaxat da aỹem ỹanem.»

Salmos 78:36

Qalaxaye na alap qataq ñi lachaxat, choche nanoldec naua 'onaxaiqa latenataxanaxaco,

Jeremías 34:13

«Aỹem Nataxala', maye Natamnaxala' na Israel le'ecpi, so'ot co'ollaxa so ñaỹamaxataxac da ñaỹamaxate' som hua'au qarta'ailpi, co'ollaq ñeqateeguesop ye Egipto, yem huaña co'ollaxa da choche nlatacpi. Nache samaxalec co'ollaxa

Jeremías 42:6

Qaq saỹamaxannaqta huo'otaq saishet cam lasataxac Ñimaye, qalaxaye qomi' salaxasoxoguet qome Ñim Nataxala' maye Qanatamnaxala', cha'aye 'am seỹaxanaqot da 'auquiguiỹo'ot da yaqto' sana'aigue da qoyecỹaxac.

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Malaquías 2:10

¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi?

2 Crónicas 15:14

Qataq ỹataqta nlamaxaren da ỹanot da la'aqtac Ñim Nataxala', qataq ỹa'alaqtai' da ntonaxac, qataq ỹalecteguet da l-lamaxa aso nasheerepi, qataq aso peenaq lcouepi.