Biblia Todo Logo
Bib sou entènèt

- Piblisite -




Éxodo 24:3 - La'aqtaqa Ñim Lo'onatac 'Enauacna 2013

3 Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Gade chapit la Kopi




Éxodo 24:3
23 Referans Kwoze  

Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.


Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.


Nache so Josué, 'eeta': «Qami' maiche qauauañiichigui de'era qarasataxaqui, cha'aye naua maiche qara'aqtaqalle', maiche qami' ỹa'axa't da qalca'aiua'a da qauo'onataxañiỹot Ñim Nataxala'.» Nache somayepi, 'enapeco': «Aja', nache 'eetec.»


Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.


So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.


qataq na namaxasoxonaxacpi, nqataxacpi, qataq na qalapaxañi lataxacpi maye ỹa'axatem somayepi co'ollaq ca'ai ye Egipto,


Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.


Qaq nagui qami' shenapegalo qami' Israel le'ecpi, qana'axaỹaxañiỹalo qome naua qalapaxayiñi lataxaco, qataq naua namaxasoxonaxaco maye qami' sapaxagueneque, qataq ỹataqta qauo'oche' qome, yaqto' qarca'alliiuec, qataq qoñiỹalec ye 'alhua maye qami' ỹanema qome Ñim Nataxala' maye Natamnaxala' so hua'au qarta'ailpi.


Qauauochec qome Ñim Nataxala' maye Qanatamnaxala'ai, qataq qauo'oche nam 'eetega da qaỹo'ot, lqataxacpi, na lapaxañi lataxacpi, qataq na lamaxasoxonaxacpi.


qalaxaye 'am ña qoua'a qome ne'ena, cha'aye 'am sanem na ỹamaxasoxonaxacpi, iqataxacpi, qataq na llapaxañi lataxacpi maye 'auapaxaguenec qome namayepi, yaqto' ỹo'ot qataq ỹalaxaguet qom mashe hueta'a yi'iye 'alhua maye sanem da lalamaxat.


Chaq 'amta qome maye ishet da aỹem 'anquigueua'a, qaq ca laỹepi, qalaxaye saishet da Aỹem nquigueua'a, qataq saishet da huo'o ca 'arỹatcheguem camayepi.


Nache so nhuo' le'ecpi, 'enapeco': «Qomi' so'onataxanaqot qome Ñim Nataxala' maye Qanatamnaxala', qataq so'otaq 'enauac na qomi' ỹamaxaleguete.»


Qaq nachera dam aỹamaxataxac maye so'ot co'ollaq ñaỹamaxate' som hua'au qarta'ailpi, co'ollaq ñeqateeguesop ye Egipto, yem 'alhua maye 'eeta'am aca nqatelaxanaxaqui da qaỹasaxaigui ca qanqatel lcat. Nache shenapega co'ollaxa sheeta': Aỹem qaualaqaiguet qome qataq qauo'oche 'enauac nam qami' samaxaleguete, nache qami' ỹalamaqa'ate qome, qaq qami' aỹem Qanatamnaxala'ai qome.


«Aỹem Nataxala', maye Natamnaxala' na Israel le'ecpi, so'ot co'ollaxa so ñaỹamaxataxac da ñaỹamaxate' som hua'au qarta'ailpi, co'ollaq ñeqateeguesop ye Egipto, yem huaña co'ollaxa da choche nlatacpi. Nache samaxalec co'ollaxa


¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi?


Nache so nhuo' le'ecpi qaỹasategueto' so Josué, 'eeta': «Saishet da shenaqtec qome de'era, cha'aye qomi' so'onataxanaqot qome Ñim Nataxala'.»


Qataq ỹataqta nlamaxaren da ỹanot da la'aqtac Ñim Nataxala', qataq ỹa'alaqtai' da ntonaxac, qataq ỹalecteguet da l-lamaxa aso nasheerepi, qataq aso peenaq lcouepi.


Nache 'enauac so Judá le'ecpi, da ỹataqta huo'o da ntonaxac, souaxat se'eso ỹan la'aqtac, cha'aye ỹataqta imauec da lquiyaqteỹaxac qataq maiche chegoqchigui somayepi da nmitaique Ñim Nataxala', nache Ñimaye nachaxana somayepi, qataq ỹanem da l-lagaxayec da ỹalectapeeguet so lauoreuapi.


«Qalapoñiỹa't qome 'enauac na aỹem quetague', nam aỹem naỹamaxate' co'ollaxa, nache ỹavigaxat so lachetaqtaxanaxat da aỹem ỹanem.»


Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.


Swiv nou:

Piblisite


Piblisite