Éxodo 24:18 - La'aqtaqa Ñim Lo'onatac 'Enauacna 2013

¹⁸ Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Éxodo 24:18 Referans Kwoze

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Deuteronómio 10:10

«Qaq aỹem sootasheguemec co'ollaxa añi qasoxonaxa soua cuarenta na'axa'te qataq cuarenta pe', da 'eeta'am so hua'auchiguiñi da soota'a añimaye, qaq Ñim Nataxala' aỹem na'axaỹaxana, nache saishet da ipaca'a da qami' ilaxachiguilo,

Éxodo 34:28

Nache so Moisés no'onaisop co'ollaxa Ñim Nataxala', ivittrec soua cuarenta na'axa'te, qataq cuarenta pe', qataq saishet da deque'e, qataq saishet da nỹom. Huaña, nache ỹereleguete soua dos coma'ye soua diez nqataxaco.

Deuteronómio 9:25

Qaq souaxat co'ollaxa da Ñim Nataxala' qami' ỹareetegalo da ỹataqta qami' nlaxaayiñi, nache aỹem sa'atto'oto naua illecte Ñimaye soua cuarenta na'axa'te qataq cuarenta pe',

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Lucas 4:2

Huaña yemaye, nache hueta'a cuarenta na'axa'te, nache anac so pa'aguenataxanaxaic da ỹe'eguen. Qaq ỹataqta qaica ca chec Somaye se'esoua na'axa'te. Qaq co'ollaq, ime, nache nomteguet na lqouaxa.

Marcos 1:13

Nache So Jesús hueta'a yemaye cuarenta na'axa'te, huetangui na shiguiỹacpi maye qauemaicpi. Qaq so pa'aguenataxanaxaic ilotaique ca lataxac da ỹatenachet Somaye, qalaxaye na lamaxashecpi Ñim Lo'onatac 'Enauacna itauaatac So Jesús.

Mateo 4:2

Qaq co'ollaq mashe iviraxatre'c soua cuarenta na'axa'te da saishet da deque'e co'ollaq huetauga so toolec 'alhua, nache So Jesús ỹataqta ỹaguec na lqouaxa.

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Éxodo 24:17

Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Éxodo 9:29

Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Proverbios 28:1

Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

Éxodo 25:1

Nache Ñim Nataxala' 'enapega so Moisés, 'eeta':

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

1 Reyes 19:11

Nache Ñim Nataxala', 'enapeco': «Ñaq 'ampa'auec, nache aỹem 'auataỹot da qoueta'a ana'ana qasoxonaxa.» Qaq Ñim Nataxala', nache nateuga co'ollaxa yemaye, huaña nache anac so la'at lta'araic, nache depoqogui naqa'en aso qasoxonaxapi, qataq dolagui naqa'en aso coma'pi, qalaxaye Ñim Nataxala' saishet da huetaigui se'eso la'at. Qaq co'ollaq ỹoxogue se'eso la'at, nache huo'o so nacholaxanaxa, qalaxaye Ñim Nataxala' ñaqaiyeta saishet da huetaigui somaye.

Deuteronómio 5:31

qalaxaye 'am ña qoua'a qome ne'ena, cha'aye 'am sanem na ỹamaxasoxonaxacpi, iqataxacpi, qataq na llapaxañi lataxacpi maye 'auapaxaguenec qome namayepi, yaqto' ỹo'ot qataq ỹalaxaguet qom mashe hueta'a yi'iye 'alhua maye sanem da lalamaxat.