Éxodo 24:17 - La'aqtaqa Ñim Lo'onatac 'Enauacna 2013

¹⁷ Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Éxodo 24:17 Referans Kwoze

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.

Hebreos 12:18

Qami' saishet co'ollaxa da qanquiquiiua'a añi saqaỹoqotcheguemec 'alhua maye le'enaxat Sinaí, añim ishet da qaila'a qataq qaipoteua'a maye huetalec nataqa'en so norec maye 'ettaigui, qataq so napalaxa qataq so la'at lta'araic.

Deuteronómio 4:36

Qataq chegoqtot naqa'en na piguem da lavilỹaxac, nache qaua'aqaitega da qami' ỹapaxagueeta'ape. Qataq huaña naqa'en ana 'alhua da qami' ỹachaxanalo so lta'araic norec, qataq nache chemaqtapoigui somaye co'ollaq qaua'aqaitegalo naua la'aqtaqa.

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Deuteronómio 4:24

cha'aye Ñim Nataxala' maye Qanatamnaxala'ai, Ñimaye ỹataqta ca'alaxanaxaic, ỹoqo'oye da huo'o ca ỹavigaxat, nache 'eeta'am ca norec da nlachiguiñi naqa'en ca ỹavigaxat.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Ezequiel 1:27

Qaq somaye sela'a da chegoqchiguiña na lasot nache tasheguema na pa'asheguem so qashelecteguiñi 'eeta'am ca lcat nqatelliguishec da 'ettaigui, qataq sela'a so chegoqchiguiña na lasot nache taña na pa'aguiñi, so 'eeta'am na norec. Qataq coleesop somaye so yo'oqchiguiñi,

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Deuteronómio 9:3

Qalaxaye qauaỹaañita nagui da Ñim Nataxala' maye Qanatamnaxala'ai, Nacheñi ñim hua'auta'ague qome da qa'aita'ague, qaq Ñimaye 'eeta'am ca norec da huo'o ca ỹavigaxat nache nlachiguiñi naqa'en, qaq nache 'eetec qome da qauauañiichigui da nlaxaañi, qataq huetaiya' naqa'en ye ỹotta'a't shiỹaxauapi. Qataq ỹataqta sa qaỹaloq qome da qauo'oyiỹauec qataq nlachiguiñi qanqa'eñi yemayepi, cha'aye nache 'enapec co'ollaxa Ñimaye.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

2 Samuel 22:9

Nache naviiguilo naua lmic lauaco, na lmala'q, qaq na alap qalaq chegaqaigui na norec dalaataxanapec, qataq ana poqo 'ettaigui.

2 Samuel 22:13

Nache na le'eraxa ye lanataqa', chegoqteua'a ana 'ettaigui poqo.»