Éxodo 24:16 - La'aqtaqa Ñim Lo'onatac 'Enauacna 2013

¹⁶ Nache da llo'oxoyec Ñim Nataxala' anac da imattalec aso qasoxonaxa Sinaí, qaq ivi' soua seis na'axa'te da imattalec so lo'oc aso qasoxonaxa. Qaq co'ollaq mashe iviteuga so na'a'q siete, nache Ñim Nataxala' chemaxaigui so lo'oc co'ollaq iỹaxana so Moisés.

Éxodo 24:16 Referans Kwoze

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Números 16:42

Qaq co'ollaq lapona't so shiỹaxauapi da qaỹataỹa'aguet so Moisés qataq so Aarón, nache co'ollaq namatasheguem somayepi, nache ila'a so lo'oc, imattalec so npe'l, nache yo'oq da llo'oxoyec Ñim Nataxala'.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Salmos 99:7

Ñimaye huetaigui co'ollaxa so lo'oc da detaqtague' somayepi, nache somayepi ipacchigui co'ollaxa nam lamaxasoxonaxacpi Ñimaye, qataq na lqataxacpi maye ỹanem somayepi.

Números 14:10

Qalaxaye se'eso shiỹaxauapi huotaique da ira'alo na coma' soomaye da ỹasa'q. Nache Ñim Nataxala' ỹachaxan da llo'oxoyec huaña so npe'l maye naỹonqa', ỹauaachigui naqa'en 'enauac so Israel le'ecpi,

Levítico 9:23

Ime, nache so Moisés qataq so Aarón inoxooroigui so npe'l. Qaq co'ollaq nnoxoorec, nache soomaye qaltaq ỹaarelec da no'on la'aqtac so Israel le'ecpi. Huaña, nache Ñim Nataxala' ỹachaxana 'enauac so shiỹaxauapi da ỹataqta qaica ca 'ena'am llo'oxoyec,

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Éxodo 24:17

Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Éxodo 20:10

qalaxaye que'eca na'a'q siete maye mataxaqui, camaye qauỹochiỹauga da ỹataqta ỹalamaxat. Saishet da huo'o ca qauacoñiigui no'onatac que'eca na'a'q, nataqa'en ca qaỹa'alquipi qataq aca qaỹa'alliipi, nataqa'en ca qarlataquipi qataq aca qarlataipi, ivira'a ca 'atetpi qataq ca shiỹaxaua chegaqauec maye qami' netaiguilo.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:9

Nache Ñim Nataxala' 'enapega so Moisés, 'eeta': «Aỹem, 'am ñachaxana qome, sootaigui ca sansattec lo'oc, yaqto' aỹem hua'aqchigui qome na shiỹaxauapi da 'am setaxaỹapegue', yaqto' namayepi nache 'eetai' qome da 'am ỹa'amaqten.» Nache so Moisés qaltaq ỹe'eguelaxalec da da'aqtaxanem Ñim Nataxala' da la'aqtac so shiỹaxauapi.

Levítico 9:6

Nache so Moisés 'enapeco': «'Era da qami' ỹamaxaleguete Ñim Nataxala', qaq damaye qauo'oche qome, nache Ñim Nataxala' qami' nachaxanalo, qataq ỹataqta qaica ca 'ena'am da llo'oxoyec.»

Isaías 4:5

Qaq huaña nache Ñim Nataxala' ỹauo'o qome ca sa nsattec lo'oc ye na'a'q, qataq ca norec da 'ettaigui ye pe da imattalec naqa'en ye Sión, qataq ca lapoota'a't shiỹaxauapi maye hueta'a yemaye. Qaq 'enauac camayepi huetalec qome da llo'oxoyec Ñim Nataxala',