Éxodo 24:11 - La'aqtaqa Ñim Lo'onatac 'Enauacna 2013

¹¹ Qaq Ñim Lo'onatac 'Enauacna saishet da huo'o ca 'ena'ac se'eso lataxala'pi so Israel le'ecpi som ỹauaachigui Ñimaye. Huaña, nache somayepi deque'etac qataq nỹomtac.»

Éxodo 24:11 Referans Kwoze

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 19:21

Nache Ñim Nataxala' 'enapega, 'eeta': «'aunotec qome, nache 'auqata ye Israel le'ecpi da saishet da napacalec na loga'tpi na na'anec, qataq qonapega da saishet da nshetaique da aỹem ỹauaachigui. ¡Ten qom qalota ca ileu yemayepi!

Génesis 31:54

Qaq ime, nache so Jacob, ỹo'ot aso lachetaqtaxanaqte ỹavigaxatta, hualec naqa'en aso qasoxonaxa. Ime, nache iỹaxana som lauo' le'ecpi da lquia'axaua. Qaq 'enauac somayepi deque'e co'ollaxa, qataq nache lo'ochaqa' so pe asa'aso qasoxonaxa.»

Génesis 16:13

Qaq aso Agar ye detaqtague' co'ollaxa Ñim Nataxala', nache ỹanagui da le'enaxat: «Ñim Lo'onatac 'Enauacna maye aỹem ila'a,» cha'aye asomaye 'enapeco': «Ñim Lo'onatac 'Enauacna, aỹem ila'a co'ollaxa, qalaxaye aỹem ña ñeca'altauec.»

Jeremías 14:3

Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Eclesiastés 9:7

Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Nehemías 2:16

Qaq so nataxala'pi saishet da ỹaỹaten ca saigue qataq na so'ottacpi, cha'aye ñaq saxanaxa da huo'o ca sa'aqtaxanem so judiiopi ivira'a so ntaxaỹaxanaxanecpi, qataq so nataxala'pi, qataq so ltauapi qataq so do'onataxaatacpi.

2 Crónicas 23:20

Ime, nache iỹaxana so lataxala'pi so alleppi, qataq som shiỹaxauapi maye 'amaqtaqaicpi, qataq som nta'alpi maye ilotague' so shiỹaxauapi, qataq 'enauac som shiỹaxauapi maye lma' yi'iye 'alhua, da yaqto' nnaicapegue' so nta'a, chegoqchiguiña aso atamnaxaqui maye lalamaqte Ñim Nataxala', nache iviraxattaua'a so nma' lta'araic, tateua'a naqa'en so ñegueuo lta'araic, huaña nache qanso'onaxanaxangui aso nso'onaxaqui so nta'a,

1 Reyes 21:8

Qaq asomaye, nache sa naỹaloxon da ỹo'ot aso lere, nanettalec naqa'en so Ajab, qataq itoqoolec aso la'anaxanaqte somaye. Ime, nache ỹamaxa so nqueroxonecpi, qataq so nataxala'pi, som naigui so huaqta'a't nỹecpi maye naigui so lma' so Nabot.

Jueces 13:22

nache somaye 'enapega aso lhua, 'eeta': Yo'oqta da seleuaq qome, cha'aye mashe ñauanaxai' Ñim Lo'onatac 'Enauacna.

Jueces 5:13

Huaña nache huenotec so Israel le'ecpi, da yaqto' delogui' so 'amaqtaqaicpi, qataq huenotec na nalleppi Ñim Nataxala' souaxat aỹem, da yaqto' delogui' so alaataxaicpi shiỹaxauapi.

Deuteronómio 12:7

Nache huaña camaye da qauqui'i, ỹauaachigui qanqa'eñi Ñim Nataxala' maye Qanatamnaxala'ai. Nache qami' qataq ca qaỹa'alquipi qauamaichiguiñi da qantoñiitapeguec ca chegaqaigui da qaro'onataxanaxaqui maye qami' ichoxonneque Ñim Nataxala'.

Deuteronómio 4:33

Na ỹotta'a't nhuo' le'ecpi ana 'alhua, ¿peta'a huo'o co'ollaxa ca 'eeta'ama qami' da hua'aqtega da detaqtac Ñim Nataxala' huetaigui ca norec, nache saishet da ileu?

Números 21:18

¡So nataxala'pi ỹauota'a aso lasheltepi co'ollaq nshettac qaq so nta'alpi qalaq ỹauota'a so npon co'ollaq ỹauangui añimaye!» Nache somayepi chegoqchiguiña co'ollaxa ye toolec 'alhua, da taỹa ye Mataná,

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Daniel 10:17

¿Ca 'eeteco' da ishet da 'am detaxaỹapegue' ne'ena 'aramaxashec, ye aỹem ỹataqta qaica ca ỹa'añaxac, qataq 'eco' huotaique da vi'iigueta naua ỹa'a'che?»

Salmos 139:5

'Aulotalec 'enauac da ñachaalataxac, aỹem huetalec da 'arhuaqỹaxac.