Éxodo 24:10 - La'aqtaqa Ñim Lo'onatac 'Enauacna 2013

¹⁰ Huaña, nache somayepi ỹauaachigui da lataxac Ñim Natamnaxala' so Israel le'ecpi, qaq na pa'aguiñi naua lapia'ate qalaq qashelec 'eeta'am na no'on coma' le'enaxat zafiro, qataq ỹataqta yo'oqoolec, 'eeta'am da lo'oxoỹaxac na piguem.

Éxodo 24:10 Referans Kwoze

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Ezequiel 10:1

Qaq ime nache sela'a na pa'asheguem som 'eco' 'eeta'am na lapoxot maye nalotcheguema naua lqaigo soua huo'oi naua laua't, da huo'o so netalec 'eeta'am aca so'onaxaqui maye chegaqaigui na coma' zafiro.

Apocalipsis 4:3

Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Éxodo 33:23

Qaq da ime, nache ñeqatec na ihuaq, nache ishet da 'aula'ague na ilaq, qalaxaye da ỹashiguiỹaxac, qalaq saishet da 'aulogui.»

Éxodo 33:20

Qalaxaye 'am sa'aqtaxaatem da saishet qome da 'aulogui da ỹashiguiỹaxac, cha'aye qaica ca shiỹaxaua da ilogui da ỹashiguiỹaxac, nache queta da nca'altauec.»

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Apocalipsis 21:11

Qaq Ñim Lo'onatac 'Enauacna, nacheñi ñi icoỹattalec somaye. Qaq ne'ena le'eraxa 'eeta'am ana 'otaqte maye ỹataqta no'on, 'eeta'am na coma' le'enaxat diamante qataq ỹataqta chauec 'eeta'am na 'etaxat da ỹataqta qui'itta.

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Apocalipsis 1:16

Qaq na lhuaq maye aloic nasoqta'alo soua siete huaqaañi. Qaq na alap chegaqaigui so ỹeelonec ỹataqta shetteguet qataq dos naua ala'api. Qaq na lashec qalaq ỹataqta 'eroigui, 'eeta'am na le'eraxa añi nala' da mashe laiñi ye na'a'q.

Juan 6:46

Saishet da huo'o ca ilogui da lasheguiỹaxac Ñim Ita'a; Nachaqaỹemta maye sachegoqtot Ñimaye.

Cantares 6:10

¿Negue't ana'ana cha'aguet nnoxotcheguem maye 'eeta'am añi chi'ishe da nte'eta, qataq 'erangui 'eeta'am ñi ca'agoxoic, qataq da llo'oxoyec 'eeta'am ana huaqaañipi?

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Éxodo 24:11

Qaq Ñim Lo'onatac 'Enauacna saishet da huo'o ca 'ena'ac se'eso lataxala'pi so Israel le'ecpi som ỹauaachigui Ñimaye. Huaña, nache somayepi deque'etac qataq nỹomtac.»

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Cantares 5:14

Naua lhua'q 'eeta'ama naua loca'ague oro, lapaqtaua'a na llo'oxoraxat coma' qaỹachegoxota'a ye Tarsis. Imauec na lasot, salleeta 'eeta'am na lpi'inec maye chegaqaigui ana lhue ana qasoxonaxa, qataq qalapaqtalec na zafiros.

Lamentaciones 4:7

Qaq som ỹalleppi maye nca'aguishecpi co'ollaxa, ỹataqta napacalec ana aloñi da lapagaxa, qataq napacalec da lapagaxa na nche'; qaq da ltogaxa na lo'oc napacalec ana viyec; qaq da lataxac 'eeta'am da lyacỹaxac na coma' zafiro.

Ezequiel 1:1

So na'a'q cinco so ca'agoxoic cuatro, so vi'i treinta, nache aỹem Ezequiel sooto'ot na loigue ye tala Quebar, salectaigui so ncoñeteguishecpi. Nache nque'elaxatta da nauatoigui na piguem, nache huo'o so ỹauanaqchec chegoqo'ot Ñim Lo'onatac 'Enauacna.

Daniel 10:17

¿Ca 'eeteco' da ishet da 'am detaxaỹapegue' ne'ena 'aramaxashec, ye aỹem ỹataqta qaica ca ỹa'añaxac, qataq 'eco' huotaique da vi'iigueta naua ỹa'a'che?»

Génesis 32:31

Qaq mashe nnoxoosheguem co'ollaxa aso nala', nache so Jacob cheta'ague da ca'ai ye Peniel, qaq souaxat da naquiigui ana lleegue, nache huaỹoraxaata.

2 Crónicas 6:17

Qaq nagui 'Am Nataxala' maye 'Am Natamnaxala' na Israel le'ecpi, ña 'aupacchigui qome da 'auachaxanapeguem co'ollaxa so 'aramaxashec David.