Éxodo 23:9 - La'aqtaqa Ñim Lo'onatac 'Enauacna 2013

⁹ Saishet qome da qavi'iñiỹai' ca chegaqauec, cha'aye qami' nataqa'en qauachigoqoỹauec, qauachegoqỹa'a co'ollaxa ye Egipto, cha'aye qami' mashe qauaỹaañi da qanayeetaña ca ỹaqa'a 'alhua.»

Éxodo 23:9 Referans Kwoze

Deuteronómio 27:19

Ỹataqta qauem qome ca talec nhuaxanaguec ca shiỹaxaua da sa ỹaỹamaxatapec ca chegaqauec, huo'otaq ca saploq, huo'otaq aca pa'ai. Nache 'enauac qome na nhuo' le'ecpi, 'eeta': Aja', nache 'eetec.

Éxodo 22:21

Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Mateo 18:33

Qaq ¿ta'ainec ye saishet da 'auchoxoren so 'arỹa da 'eeta'am da 'am sechoxoren?»

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Salmos 94:6

Qataq ỹalauat ana pa'aipi qataq na chegaqauecpi, qataq ỹalauat na qaicaua caua lta'al.

Deuteronómio 10:19

Ỹoqo'oye qami' nataqa'en qauauochec qome ca chegaqauec, cha'aye qami' nataqa'en qauachegoqỹauec co'ollaq qoñiitaña ye Egipto.

Éxodo 21:21

Qalaxaye da huo'otaq huo'oi caua na'axa'te da nca'altauec que'eca nlatac, nache que'eca na'aco' saishet da qaỹauo'o ca nhuaxanaguec, cha'aye camaye maiche lalamaxat l-latac.

Levítico 19:33

Saishet da qauauo'oi da nque'eenaxac ca ỹaqa'a ca chegaqa'ague maye qami' netaiguilo.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Ezequiel 22:29

Nam 'amaqtaqaicpi qalaq nalemaqte' da lcachaxac, qataq qaica ca iren, qataq nhuottalec na choxoraqpi qataq na huo'o da lhuenaxanaxa, qataq saiyacnapec nam ỹaqa'a ca chegaqa'ague, na'aictaxa da qaica ca ỹasouaxat.

Éxodo 22:20

Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.