Éxodo 23:8 - La'aqtaqa Ñim Lo'onatac 'Enauacna 2013

⁸ Saishet da 'auaconeguet aca 'ansheetenaqte, cha'aye ana nsheetenaxanaqte ishet da 'eco' iqanamaqchet ca shiỹaxaua, qataq ỹo'otec ca qaica ca ỹasouaxat da daqat ca 'eetapeguec lataxac.

Éxodo 23:8 Referans Kwoze

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Isaías 5:23

Na nmitta'a da nmeela't da ỹo'ot da qaica naqa'en ca lasouaxashet nam huo'o na lasouaxashet, qataq saishet da ỹo'otec ca no'on nam no'on da lataxac.

Proverbios 17:23

Ca qauemaic ỹaconeguet aca qoỹoxotchiguiñi nsheetenaqte, da yaqto' qaỹashaxanec da llec ca nalochiguiñi lataxac.

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.

1 Samuel 8:3

Qalaxaye se'esoua llalqa, saishet da 'eeta'ama da lataxa'c so lta'a, nachaqrata da ỹataqta qopitaxanaqtaqaiqa, qataq nasheete' naxa da qaisheete'n, nache saishet da ỹo'o't ca ỹaỹamaqchiguiñi.

Eclesiastés 7:7

Dam sancherapec nataxac na'axat cam ỹaanaxanaxaic, qataq da qaiỹaxaata'a da qaisheeten da huo'o ca qaỹo'ot damaye na'axat da nataxac.

Proverbios 17:8

Ca choche isheeten ca lỹa camaye ipi'itaxaatega da saqalaq da huo'o ca ỹo'ot, cha'aye 'enauac na ỹacoolec da ỹo'ot camaye qalaq 'enauac da ỹañoxot.

Salmos 26:10

nam shiỹaxauapi maye naua lhua'q nlaqchiguilo na qauem qataq ana ỹoxottañi nsheetenaqte.

1 Samuel 12:3

qaq nagui soota'a ne'ena, qalaq da huo'o co'ollaxa ca secachiỹa ca lauegaxanaxala' huaca, huo'otaq 'ashena, huo'otaq da huo'o co'ollaxa ca huetaiya' ñaqa'en, huo'otaq da huo'o ca aỹem isheeten da yaqto' so'ot ca 'eetapeguec sa ỹaỹamaxañi lataxac, nache nagui qaua'axache cam ỹasouaxashet, ỹauaachigui qanqa'eñi Ñim Nataxala', qataq ñi nta'a maye lca'aguishec Ñimaye, yaqto' aỹem sesheeten qome aca ỹavigaxaiste.

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Proverbios 19:4

Da nsallaxa naueguela't na qalota auochaxauapi, qaq ca choxoraq qalaq ivira'a ca nauochaxaua ỹalat camaye.

Oseas 4:18

Cha'aye 'enauac namayepi da taxaicpi, nache taỹa da nquisheguetaxac, qataq nam lataxala'pi namayepi ỹauotec nam ỹo'ot da ncoxo.

Isaías 1:13

Qaq nache tachiguiña da aỹem qandoitegueua'a ana qarachetaqtaxanaxache maye qaica ca naigui, qataq mashe sa sesheteguet na lmala'q na nchenaxanaxat. Qami' qauỹaxañiuga naxa na nhuo' le'ecpi da yo'oxonnataxan da dalaxaic so ca'agoxoic qataq ye na'a'q mataxaqui, qalaxaye Aỹem ỹataqta sa sesheteguet na laponaxacpi na shiỹaxauapi maye ỹo'ottac na qauem.

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Isaías 5:22

¡Choxoraxaso' nam qaica ca nauec da nỹomtapigui na lataxa, qataq nam ỹalleppi maye 'añaxaicpi da ỹalecna't na lataxa!

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,