Éxodo 23:7 - La'aqtaqa Ñim Lo'onatac 'Enauacna 2013

⁷ Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Éxodo 23:7 Referans Kwoze

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Deuteronómio 27:25

Ỹataqta qauem qome ca talec nhuaxanaguec ca shiỹaxaua da ỹaconeguet aca nsheetenaqte da yaqto' ỹalauat ca qaica ca ỹasouaxat. Nache 'enauac qome na nhuo' le'ecpi, 'eeta': Aja', nache 'eetec.

Éxodo 34:7

Nam ỹataqta qaica ca loga't da lauotaxanaqtaic, qataq ishet da ichoxoren ca huo'o ca npe'enaxac qataq ca sa ỹalaq, qataq ca huo'o ca lasouaxashet. Qalaxaye nataqa'en ishet da ỹauo'o ca nhuaxanaguec ca shiỹaxaua maye qauema naua ỹo'otta'ape, qataq ca llalaqpi, laualpi qataq ca llalaqpi ca laualpi camaye.»

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Romanos 1:18

Qalaxaye huo'o na shiỹaxauapi 'etaxaloxoicpi maye sa ỹashenem ca lỹa da ỹauatton da 'eesa lataxac maye la'aqtaxanaxac Ñim Lo'onatac 'Enauacna. Qaq Ñim Lo'onatac 'Enauacna, maye neto'ot na piguem ỹataqta dalemataỹa namayepi.

Lucas 3:14

Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Nahúm 1:3

Ñim Nataxala', ỹataqta qaỹoqchiguinguit da lalemataic, qalaxaye ỹataqta lta'araic da la'añaxac, nache saishet da sa ỹauo'o ca nhuaxanaguec cam huo'o ca lasouaxashet, Ñim Nataxala', Ñimaye quetaigui na la'at lta'araic, qaq nam lo'oc na piguem qalaq namoxoỹaxatsheguem naua lapia'ate, 'eeta'am na namoxoỹaxa.

Isaías 33:15

Cam ỹo'ottac dam nalochiguiñi lataxac qataq 'eesa ca la'aqtac, qataq cam deqaiga da dauegaxaatapigui da qaica ca iren, qataq cam saỹaconeguet da qaisheenaxana da huo'o ca ỹo'ot, qataq cam saishet da na'axaỹaxana da qaitaqtapigui ca nalaataxanaxac, qataq ỹapoguilo naua la'ai'te da yaqto' saila'a ca qauem,

Proverbios 17:15

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.

Da na'aqtaguec so Job 22:23

Cha'aye da 'avi'eguelaxa Ñim Qaica ca Ỹaqalanapec, huaña nache ca'ai naqa'en ye 'arma' na que'eenaxacpi.

Éxodo 20:13

Saishet da 'aualaataxan.

Génesis 18:23

Qaq nache so Abraham nquicot co'ollaxa Ñim Nataxala', nache inat, 'eeta': «¿Peta'a 'aulaxachigui qome na qaica ca ỹasouaxat, da l-llañe' 'anqa'en ca huo'o na lasouaxashet?

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Deuteronómio 25:1

Qaq da huo'oi caua shiỹaxau' da ncotatega't, nache iuen da tareua'a cam huaña da huo'o ca qancotaỹapigui, nache ca nmit na nasouaxashetpi nmi't caamaye, nache camaye ỹa'axat negue't cam qaica ca ỹasouaxat. Qaq ca huo'o ca lasouaxashet, nache qaỹo'ot ca nhuaxanaguec.

Salmos 94:21

nam dataỹa'aguet na shiỹaxauapi maye no'on da lataxac, qataq ỹaneguet da l-leuaxa na qaica ca ỹasouaxat.

Salmos 119:29

Qataq aỹem 'eltaxaneguet qome na llecpi da natenataxanaxac, nache aỹem 'anqouaguec da aỹem 'auapaxaguenec na 'arqataxacpi.

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Isaías 5:20

¡Choxoraxaso' na 'eetega no'on na qauem, qaq na qauem qalaq 'eetega no'on, qaq na yo'oqchiguiñi qalaq nmeneguet naqa'en na napalaxa, qaq na napalaxa qalaq nmeneguet naqa'en na yo'oqchiguiñi, qaq na chem qalaq 'eetega ama, qaq na ama qalaq 'eetega chem!