Éxodo 23:32 - La'aqtaqa Ñim Lo'onatac 'Enauacna 2013

³² Qaq saishet qome da qanaỹamaxache' yemayepi, qataq saishet da qauatailec ye natamnaxala'pi.

Éxodo 23:32 Referans Kwoze

Deuteronómio 7:2

Qaq Ñim Nataxala' qom qami' ỹanema da qo'oxoñiqui yi'iye ỹotta'a't shiỹaxauapi maye netalec yi'iye 'alhua, nache qanmachiichiguiñi qome da qaualauache, saishet da qauchoxonñiitac, huo'otaq da qanaỹamaxache'.

Éxodo 34:12

Saishet qome da qanaỹamaxache' na netalec yi'iye 'alhua maye qaunoxoñiiua'a qome, yaqto' saishet da qaue'enaxache da qauem lataxac yemayepi.

Éxodo 34:15

Saishet qome da qanaỹamaxache' ye netalec yi'iye 'alhua, ten, qom qami' ỹauegalo da nataqa'en da qauo'oche de'era nquisheshaxac da natamnot na natamnaxala'pi, qataq da ỹanot aca lachetaqtaxanaqte nache nataqa'en qami' ỹanema da qollequi que'eca nachetaqtaxanaxat,

Salmos 106:35

Nacherata da ỹaleeguet na ỹotta'a't shiỹaxauapi, qataq quegue na no'onataxacpi.

Deuteronómio 7:16

Qaq ỹoqo'oye qanmachiichiguiñi qome 'enauac na shiỹaxauapi maye qami' ỹanema Ñim Nataxala' da qoroxoñiqui. Qataq saishet da qauchoxonñiitac, qataq saishet da qanatamñiỹot ca natamnaxala'pi, cha'aye ishet da qami' isomaxanaqche't.

2 Corintios 6:15

Qataq saishet da nhuoteeta't So Cristo qataq so pa'aguenataxanaxaic. Qataq nam quetague' So Cristo saishet da iỹaxana da lqaỹa nam saishet da quetague' Somaye.

Éxodo 23:13

Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Éxodo 23:24

Saishet qome da qaua'ayiỹoto naua qarllectelli' na atamnaxala'pi, qataq saishet da qanatamñiỹot, qataq saishet qome da qoquiigue na qauem no'onataxacpi, nachaqrata da qaulaxachiigui 'enauac na ne'enaqtac atamnaxala'piolec qataq ỹataqta laỹelolqa qanqa'eñi da qanlaxachiiñi na coma'pi maye atamnaqa'pi.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

Jueces 2:2

qom saishet da qanaỹamaxache' nam lma' ne'ena 'alhuapi, nachaqrata da qanlaxachiiñi ana lca'atoxonaxalatepi.› ¡Qalaxaye qami' saishet da aỹem qaualaqaiguet! ¿Ta'ainco' da qoñeetec de'era?

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Deuteronómio 20:18

yaqto' yemayepi saishet da qami' ỹapaxagueneque nam qaiqaiga no'onataxacpi maye ỹo'ottac naxa da ỹo'oxoren na natamnaxala'pi, qataq yaqto' saishet da qami' ỹasouaxa't da huo'o ca qarasouaxashichi da hueto'ot Ñim Nataxala' maye Qanatamnaxala'ai.

Deuteronómio 31:5

Qaq Ñim Nataxala', qom qami' ỹanema da qoroxoñiqui yi'iye ỹotta'a't shiỹaxauapi, nache qauo'ochec yemayepi 'enauac ne'ena qami' samaxaleguete.

Josué 10:40

Qaq 'era da 'eetec co'ollaxa so Josué da loxonec 'enauac se'eso 'alhuapi. Qataq nauec so nta'alpi maye nalec so 'alhuapi maye hualec aye qasoxonaxapi yem Néguev, som nalochiguiñi 'alhuapi qataq som nashecchiguiñi loiguepi. Nache ỹataqta 'enauac da ilaxachigui qataq ỹalauat 'enauac nache qaica ca no'onaxatañi da nca'altauec naqa'en, nache ipacchigui 'enauac nam ỹamaxalecpi Ñim Nataxala' maye Natamnaxala' na Israel le'ecpi.