Éxodo 23:26 - La'aqtaqa Ñim Lo'onatac 'Enauacna 2013

²⁶ qataq qami' so'oteque da saishet da huo'o ca ileu da saxanaxa da ivita ca lqueroxo. Qataq qaca qome aca 'alo na'aqñi ca llalec, huo'otaq da sa deco'o da huaña que'eca 'alhua maye qoviita'a.

Éxodo 23:26 Referans Kwoze

Deuteronómio 7:14

Nache qami' huetaleguete qome da nchoxonnataxanaxa saishet da qoñiita'am na laỹepi shiỹaxauapi. Cha'aye qaica qome ca ỹale, huo'otaq aca 'alo da sa deco'o, ivira'a ca shiguiỹacpi 'enauac da huo'o ca llalaqpi.

Da na'aqtaguec so Job 5:26

Ỹataqta 'avitta'a da 'am ỹa'axaiquiolec, nache 'avira aca 'anhuachiqui, qataq qoneta'am aca naqta ala ca 'auaxa maye ỹataqta ỹeta.

Deuteronómio 28:4

Qataq huo'o qome da nchoxonnataguec ca 'aỹa'alaqpi, qataq no'on da alaỹaxac ca 'añiguishecpi, qataq da lañaxataxac ca llalec aca 'arelopi huacapi, qaguetapi, qataq 'enauac ca laỹe shiguiỹacpi maye 'arelopi.

Da na'aqtaguec so Job 21:10

Na lalo huacapi, qalaq sa vi'iiguet da lco'oxoc, qataq ana lalo huaca da deco'o, qalaq saishet da ileu na llalec.

Isaías 65:20

Qaq saishet qome da huaña yemaye da ileu ca nogotolec maye saxanaxa da qaỹa'aguelo naua na'axa'te da nachaalataxac, qataq ca ỹa'axaiquipi da huo'otaq saxanaxa da ivita ca laloqo' da nachaalataxac. Cha'aye ca ileu da ivi' caua cien vi'iye, nache 'eco' ña nsoqolec da ileu, qaq ca saxanaxa da ivi' caua cien vi'iye da ileu, nache camaye huetalec da qauem.

Salmos 144:13

Naua naỹamaqtaxaqui' na ala na qorañiguishec, ña nlaqchiguilo qome ca ỹotta'a't ala ca qorañiguishec, qataq ca qana'atetpi ỹataqta nquictauec qome ye lcata, nache ỹataqta nlaqtelec na qano'onaxapi.

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

Génesis 35:29

Nache jec da ỹalegoigui so hua'au lta'alpi, qaq mashe ỹataqta ỹa'axaiquiolec co'ollaq ileu. Qaq soua llalqa Esaú qataq so Jacob, ilalyiñi co'ollaxa somaye.

1 Crónicas 23:1

Qaq co'ollaq mashe ỹataqta ỹa'axaiquiolec so David, nache ỹaneuo so llalec Salomón da yaqto' lta'a so Israel le'ecpi,

Génesis 25:8

qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Da na'aqtaguec so Job 42:17

Nache so Job ivira'a da ỹataqta ỹa'axaiquiolec co'ollaq ileu.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Oseas 9:14

'Am Nataxala', ¡ñaq 'anem qome cam 'auauotaique da 'anem namayepi! Qataq 'anem da sa deco'o, qataq da qaica ca lche' yaqto' saishet da dellepaxanataxan.