Éxodo 23:22 - La'aqtaqa Ñim Lo'onatac 'Enauacna 2013

²² Qaq qom ỹataqta qaualaqaiguet, qataq qauo'oche 'enauac nam qami' samaxaleguete, nache aỹem ỹataqta ñepa'aguene' qome cam qami' ipa'agueeta'ape, qataq ñeqanaxat cam qami' nqanaxatta'ape.

Éxodo 23:22 Referans Kwoze

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Deuteronómio 30:7

Qataq Ñim Nataxala' maye Qanatamnaxala'ai, namaxa qome 'enauac da qauem na qampa'aguenaxauaipi, qataq nam qami' icaata'ape souaxat da qami' nquiỹategalo.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Jeremías 30:20

Na Israel le'ecpi 'ena'am qome so hua'au lataxac, na lauo' le'ecpi qalaq saishet da Aỹem ca'ai, qaq Aỹem sauo'o qome ca nhuaxanaguec nam mpa'aguenaxauapi.

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Deuteronómio 28:1

Da ỹataqta 'aualaxaguet Ñim Nataxala' maye 'Anatamnaxala', qataq 'aupacchigui da 'auo'ot 'enauac na lamaxasoxonaxacpi maye 'am samaxalec da 'auo'ot nagui, nache Ñim Nataxala' ỹo'ot qome da 'anataỹaña 'enauac na ỹotta'a't shiỹaxauapi ana 'alhua.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Números 24:8

Ñim Lo'onatac 'Enauacna maye nqateeguesop ye Egipto namayepi, Ñimaye 'eeta'am ca huaca no'onaxa le'ec da la'añaxac. Na Israel ỹataqta nmatchiguiñi qome na ỹotta'a't shiỹaxauapi maye depa'aguenataxaatacpi, qataq ỹataqta inoxo'n naua lpi'ineqa, ỹapacaviiguilo naqa'en naamaye ana lchecnapi.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

Salmos 35:1

'Am Nataxala', ñaq 'auataỹa'aguet qome na aỹem dataỹa'aguetpi, ñaq 'aulogui' na aỹem iloquiaxaatacpi.