Éxodo 23:21 - La'aqtaqa Ñim Lo'onatac 'Enauacna 2013

²¹ Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Éxodo 23:21 Referans Kwoze

Salmos 78:56

Qalaxaye namayepi ñaq queto'ot, da ỹe'egueetac Ñim Lo'onatac 'Enauacna, maye Nataỹaña 'enauacna, saishet da ỹalaxaguet Ñimaye qataq sa ỹalaxaleguete naua lamaxasoxonaxaco.

Salmos 78:40

Ỹataqta qalota da ỹe'eguelaxalec da saỹalaxaguet Ñim Lo'onatac 'Enauacna qataq ỹo'otec da nqui'ic Ñimaye co'ollaq hualec ye toolec 'alhua.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 10:30

Aỹem, qataq Ñim Ita'a, 'oonolec da qarataxac.

Josué 24:19

Huaña, nache so Josué 'enapego' se'eso nhuo' le'ecpi, 'eeta': «Qami' yo'oqta da saishet qome da qauañoxoche da qauo'onataxañiỹot Ñim Nataxala', cha'aye Ñimaye Atamnaxala' maye ỹataqta qui'itta, qataq ca'alaxanaxaic, qataq sa ishetaxateguet na sa ỹaỹamaxañisat qataq na qarasouaxashichi.

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Colosenses 2:9

So Cristo ỹataqta imauec da lataxac da 'eeta'am Ñim Lo'onatac 'Enauacna,

Efesios 4:30

Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Deuteronómio 18:19

Qaq nache, 'enauac ca sana'axaỹaxana ca ỹa'aqtaxanaxanec da ỹa'axattac na ỹa'aqtacpi, nache Aỹem sechemaxata qome camayepi.

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Números 14:35

Qaq Aỹem Nataxala', 'era da ỹa'aqtac: 'Era da sheetec qome ne'ena nhuo' le'ecpi, qauemaicpi maye huaxaỹa'pi da Aỹem npa'aguene'. Huaña ne'ena toolec 'alhua da imeuo ñaqa'en namayepi.›»

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Hebreos 3:16

Qaq ¿chaq negue't co'ollaxa som hua'aqchigui da la'aqtac Ñim Lo'onatac 'Enauacna, nache sa ỹalaq? ¡Qomye 'enauac som nqateeguesop co'ollaxa ye 'alhua Egipto so Moisés!

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Isaías 45:6

yaqto' 'enauac nam hueta'ague da nala' lliguisheguem qataq da nala' lliguiñi, ỹaỹaten da qaica ca lỹa atamnaxala'. Aỹem nachaỹem Nataxala' qaica ca lỹa.

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Jueces 13:18

Qalaxaye so nale piguem le'ec Ñim Nataxala', 'enapec: ¿Ta'ainco' ye 'auauotaique da 'auaỹaten cam ỹe'enaxat? Ye damaye ỹataqta ỹapogoñi qataq ỹo'oxoraic.

Isaías 9:5

Qaq na pela'pi maye nalaataxaquipi na alleppi, qataq na nogoxot maye huagui na ntago'q, namayepi qaỹavigaxat qome nache nlachiguiñi souaxat ca norec.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»