Éxodo 23:19 - La'aqtaqa Ñim Lo'onatac 'Enauacna 2013

¹⁹ Qaq ca no'on la'auaxanec ala ca qorañiguishequi, camaye qauroiua'a qome aca atamnaxaqui maye lalamaqte Ñim Nataxala' maye Qanatamnaxala'ai. Qataq saishet qome da qaỹa'añiiuaq ca quetaq llalec da qauallicñiiguet ca lche' aca late'e».

Éxodo 23:19 Referans Kwoze

Éxodo 34:26

Qataq qaroiua'a qome aca atamnaxaqui maye lalamaqte Ñim Nataxala' aca ỹataqta no'on la'auaxana ala ca qorañiguishequi maye chegaqalec ca qana'alhuaipi. Nataqa'en da qaỹa'añeeuaq ca quetaq llalec, nache saishet da qauoshaxañiỹa ca maiche lche' aca late'e.»

Deuteronómio 14:21

Qalaxaye saishet qome da qollequi ca shiguiỹac leuaxaic, nacherata da qaỹa'añim da chec ca chegaqauec maye qami' netaiguilo, huo'otaq qaumiñiỹot ca lỹa chegaqauec maye chochaq queuoxoic, cha'aye Ñim Nataxala' maye Qanatamnaxala'ai, qami' iỹotaugalo da ỹataqta qami' lalamaqa'ate, ỹoqo'oye saishet da qauallicñiiguet na lche' aca late'e, ca quetaq llalec da qaỹa'añiiuaq.

Deuteronómio 26:10

Qaq ỹoqo'oye nagui, aỹem ñerouo ne'ena la'auaxanec ala na ỹañiguishec maye ñaxaalec ne'ena 'alhua, maye aỹem ỹanem Ñim Nataxala' maye Qanatamnaxala'. Qaq da ime, nache 'aỹa'aneuo aca'aca 'arachetaqtaxanaqte maye huetangui aca'aca npaqta, ỹauaachigui 'anqa'en Ñim Nataxala' maye 'Anatamnaxala', nache 'aua'aroto naua 'al-llecte da 'avio'oxoren Ñimaye.

Nehemías 10:35

Nataqa'en ye 'oonolec vi'i nache seroxoua'a aso atamnaxaqui maye lalamaqte Ñim Nataxala', ca la'auaxanec ala ca nañiguishec qataq 'enauac ca no'on ala ana qo'oipaq.

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Deuteronómio 26:2

nache qanqache qome ca la'auaxanec ala 'enauac ca ñaxaalec yi'iye 'alhua maye qami' ỹanema qome Ñim Nataxala', nache qauachiỹangui aca npaqta da laỹe' qanqa'eñi da qauroiua'a ca lca'ateua'a da lanataqa' Ñim Nataxala' maye Qanatamnaxala'ai.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

1 Corintios 15:20

Qalaxaye ỹataqta 'eesa da ¡So Cristo ỹe'eguelaxalec da nca'alec! Qaq damaye ỹa'axat da nataqa'en taỹa'a da ỹe'eguelaxalec da nca'alec na laỹepi leuaxaicpi.

Jeremías 10:3

Da la'amqaanataxanaxac ne'ena shiỹaxauapi qalaq qaica ca naigui. Namayepi ichec naxa ana lamo ỹachegoxotaigui na aviaq, nache anac na ne'enaqtac lo'o da irolec na lo'ogoxonaxat da naloqchiiñi,

Proverbios 12:10

Ca no'on da lataxac ỹaỹaten da ntela'a na na'atetpi, qaq ca qauemaic qalaq sa ỹaỹaten da dechoxonnataxan.

Proverbios 3:9

Huo'o naq 'enec 'anqa'en Ñim Nataxala' maye chegoqo'ot da 'arsallaxa, qataq 'aỹa'anem ca la'auaxanec ala ca 'añiguishecpi,

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Números 15:21

Qaq nache 'eetai' qome da qauo'ocheetac aca'aca nachetaqtaxanaqte, nataqa'en ca qami' chegoxogueta.

Nehemías 10:36

Nataqa'en seroxoua'a so ntaxaỹaxanaxanecpi so qara'auaxanec qoyalaqpi, da yaqto' qoỹanot Ñim Lo'onatac 'Enauacna. Nataqa'en seroxoua'a so la'auaxanec llalaqpi so qana'atetpi, huaca, qataq aso qagueta da yaqto' qaipacchigui da 'enapec naua nanettrañi nqataxaco.

Ezequiel 44:30

Na ntaxaỹaxanaxanecpi taỹot qome nam ỹataqta no'on maye la'auaxanec ala na nañiguishec, qataq 'enauac ana nachetaqtaxanaqtepi. Qaq qami' da qauo'oche ca qardaqñiqui da qauo'oche aca nauole, nache namayepi taỹot qome aca ỹataqta no'on nauole. Qaq 'era da 'eetec, da yaqto' da iqouagaxanaqtaic huetalec qome ca qarma'aipi.

Ezequiel 48:13

Qaq cam na'alhua nam ntaxaỹaxanaxanecpi, nache huaqta'ai' qome ca na'alhua na leviitapi, qaq camaye ivi' qome doce kilómetros y medio ye lalogaxa, qataq cinco kilómetros ye lcateueegue, qaq ca 'alhua maye qoỹanot Ñim Nataxala' da ima'a't, qalaq ivi' doce kilómetros metros y medio ye lalogaxa, qataq diez kilómetros ye lcateueegue.

Ezequiel 48:14

Qaq que'eca nacheca ca ỹataqta no'on 'alhua maye qaiỹotauga. Qaq camaye saishet qome da qaimen ca laỹe, huo'otaq da huo'o ca nmeneguet qanqa'en, huo'otaq da huo'o ca qoỹanem lỹa shiỹaxaua, cha'aye camaye lalamaxat Ñim Nataxala'.