Éxodo 23:18 - La'aqtaqa Ñim Lo'onatac 'Enauacna 2013

¹⁸ Qom ivita da aỹem qaỹa'añiỹot ca qaỹavigaxat shiguiỹac, qalaq saishet da lỹateuo ca ltago'q, nataqa'en saishet da qaỹa'añiiuo aca nauole 'ayiiña maye huo'o ana lalegue maye ỹasheeraxachigui, qataq saishet da qauaỹamaxache ca lcheta que'eca shiguiỹac da taỹaigui ca lỹa na'a'q.

Éxodo 23:18 Referans Kwoze

Levítico 2:11

Qaq 'enauac aca'aca nachetaqtaxanaqtepi, saishet da qaỹalecneguet ca dapic lli'i qataq ca ỹasheeraxachigui ca ndaqñiguishec, cha'aye acamaye ishet da na'axat aca nachetaqtaxanaqtepi maye qaỹavigaxat da qoỹanot Ñim Nataxala'.

Éxodo 34:25

Qataq ca nachetaqtaxanaxat shiguiỹac, saishet qome da lỹateuo ca ltago'q da qoỹaneuo qataq aca nauole maye huo'o na lalegue maye ỹasheeraxachigui. Qataq que'eca shiguiỹac maye qoỹaneuo, huaigui qanqa'en ca na'a'q maye laloxoqui co'ollaxa so Lapascua, da qanallec ana nauole maye qaica ca lalegue da ỹasheeraxachigui, qataq saishet qome da huo'o ca no'onañi, da yaqto' iviraigui ca lỹa na'a'q.

Deuteronómio 16:4

Qaq que'ecaua siete na'axa'te, nache qaca qanqa'eñi qome aca ishet da ỹasheeraxachigui ca ndaqñiguishec 'ayiiña 'enauac que'eca 'alhua. Qaq ca lapat que'eca shiguiỹac maye nachetaqtaxanaxat que'eca avit ca la'auaxanec na'a'q, saishet qome da huo'o ca qano'onaxatañi da taỹaigui qanqa'en ca lỹa na'a'q.

Éxodo 12:10

Qaq saishet qome da huo'o ca qano'onaxatañi da taỹaigui ca lỹa na'a'q. Da huo'otaq huo'o ca no'onañi, nache camaye qaỹavigaxat, qaỹasaxangui ca norec.

Levítico 7:15

Qaq ca lapat ca shiguiỹac maye qoỹaneuo da qoỹan da 'achecỹaxac, da qanallec nache huetoigui qanqa'en ca na'a'q maye qoỹaneuo camaye. Qataq saishet qome da huo'o ca qano'onaxatañi da yaqto' ivira'a ca lỹa na'a'q.

Éxodo 12:8

Nache que'eca pe, qollequi ca nauoc lapat, qaỹalecneguet ana huoue maye ñe'eua qanqoỹen qataq ana nauole 'ayiiña maye sa qaỹauo'o aca lalegue na ỹasheeraxachigui.

Levítico 7:12

Qaq da huo'otaq qoỹaneuo aca'aca nachetaqtaxanaqte da qoỹan da 'achecỹaxac, nache qoỹaneuo aca nauole maye saishet da lalegue aca ỹasheeraxachigui ca ndaqñiguishec, ndotec da qairaqneguet ca aceite, qataq aca nauole sa nquesaxan, huo'otaq aca lỹa nauole maye lalegue ca aceite, chegaqaigui na no'on lsoche ca nañiguishec.

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Éxodo 16:19

Ime, nache so Moisés 'enapega, 'eeta': «Saishet qome da huo'o ca no'onaxatañi ca aloq da iviraigui ca lỹa na'a'q».

Éxodo 29:34

Qaq da huo'otaq iviraigui ca lỹa na'a'q da huo'o aca no'onañi aca nauole, qataq ca lapat que'eca nachetaqtaxanaxat da huo'o ca qoỹanagui da lo'onataxanaxac, nache camaye saishet da qanallec, nacherata da qaỹavigaxat, cha'aye saishet da qaishetapec.