Éxodo 23:17 - La'aqtaqa Ñim Lo'onatac 'Enauacna 2013

¹⁷ 'Enauac na shiỹaxauapi iuen da tres da ỹe'eguelaxalec, da nachaateua'a Aỹem Nataxala' ye 'oonolec vi'i.

Éxodo 23:17 Referans Kwoze

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Éxodo 34:23

Qaq ye 'oonolec vi'i nache ivi' tres da Aỹem naua'a qome da aỹem ỹo'oxoren 'enauac na ỹalleppi. Qaq 'era da ỹa'aqtac, Aỹem Nataxala' maye Natamnaxala' na Israel le'ecpi.

Lucas 2:42

Qaq So Jesús co'ollaq mashe ivi' naua doce vi'iye da llaxa, nache nnaicapegueto soua lta'al da taregue da Jerusalén, cha'aye nache lataxac naxa da iviteuga se'eso na'a'q naponaxaqui.

Salmos 84:7

nache namayepi nquictauec da la'añaxac, qaq da huaña ye Sión, nache nauane' Ñim Lo'onatac 'Enauacna.

Deuteronómio 31:11

nache qom ivita da laỹona't na Israel le'ecpi da nqo'oneua'a ca lca'ateua'a da lanataqa' Ñim Nataxala' maye Qanatamnaxala'ai, qaq nache huaña qome camaye da qaitaxaỹaxan na nqataxacpi, hua'aqchigui qanqa'en 'enauac na Israel le'ecpi.

Deuteronómio 12:5

qaq cha'aye cam nanataqa' maye lca'ateua'a qome Ñim Nataxala' da yaqto' huaña da qanauane' Ñimaye, da ỹalectaigui na maiche nhuo' le'ecpi. Qaq nacheca ca qanmichiỹaique da huaña da qatamñiỹot Ñimaye.

Éxodo 23:14

«Qauo'oche' qome caua tres lta'al naponaxaqui' ye 'oonolec vi'i da Aỹem qavio'oxoyiñi.

Salmos 42:2

Ỹataqta huo'o na ỹaquip da ñimittaique Ñim Lo'onatac 'Enauacna, Ñim Lo'onatac 'Enauacna maye chegoqo'ot da nca'alaxa. Qaq ¿chaq laguio' da ñachaateua'a Ñimaye?

Salmos 122:4

'Am, nache 'am natapegueua'a na maiche nhuo' le'ecpi maye lalamaxatpi Ñim Nataxala', da yaqto' ỹo'oxoren da le'enaxat Ñimaye, cha'aye nachera da ỹamaxalec co'ollaxa so Israel.

Isaías 1:12

Qami', aỹem qauanaiua'a naxa, qalaxaye ¿negue't ca qami' ỹamaxaleguete da qaushepaxanaqchichi nam nqasoxoc añi ỹalamaqte atamnaxaqui?

Salmos 42:3

Naua ỹache' qalaq 'eeta'am ca anoq, ye na'a'q qataq ye pe, qataq imauec ye na'a'q da aỹem qainattac, qoỹeeta': «¿Hueta'ago' ca 'Anatamnaxala'?»