Éxodo 23:14 - La'aqtaqa Ñim Lo'onatac 'Enauacna 2013

¹⁴ «Qauo'oche' qome caua tres lta'al naponaxaqui' ye 'oonolec vi'i da Aỹem qavio'oxoyiñi.

Éxodo 23:14 Referans Kwoze

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Levítico 23:34

«Qonapega qome na Israel le'ecpi, qoneta': Nachesota qome se'eso ca'agoxoic siete, da ivita ca na'a'q quince, nache ivittrec qome caua siete na'axa'te da qauo'oche ca naponaxac, qataq qoñiỹaigui ca npe'lpi qo'oipaq lcouepi, da yaqto' qavio'oxoyiñi Ñim Nataxala'.

Levítico 23:16

Qaq ca lỹa na'a'q maye mataxaqui, nache ivi' cincuenta na'axa'te, qaq nache huaigui da qaỹa'añiỹot Ñim Nataxala' aca qarachetaqtaxanaqche cam dalaxaic ala ca trigo,

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Éxodo 23:17

'Enauac na shiỹaxauapi iuen da tres da ỹe'eguelaxalec, da nachaateua'a Aỹem Nataxala' ye 'oonolec vi'i.

Levítico 23:4

Qaq 'ena na laloxoquipi qome da qauo'oche na naponaxacpi da yaqto' Aỹem qavio'oxoyiñi, Aỹem Nataxala'. Ỹoqo'oye qauo'oche qome ne'ena naponaxacpi.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

1 Reyes 9:25

Qaq ye 'oonolec vi'i, nache so Salomón tres da ỹe'eguelaxalec da ỹaneuo ana lachetaqtaxanaqte qaỹavigaxatta, qataq ana qanhuaachigui, ỹachalec naxa aso nca'atoxonaxalate maye no'oxoosheguem somaye da yaqto' lalamaqte Ñim Nataxala', qataq nataqa'en ỹavigaxat naxa so nchenaxanaxat, huaña so lanataqa' Ñim Nataxala'. Qaq 'era da 'eetec co'ollaq ime da qano'oxoosheguem aso atamnaxaqui.

2 Crónicas 8:13

nache 'enauaque naua na'axa'te maye huetoiguilo da ỹaneuo anamayepi, nache ipacchigui dam lamaxasoxonaxac so Moisés, maye 'eeta': ye na'a'q mataxaqui, qataq na naponaxac maye qaỹo'ot da dalaxaic ñi ca'agoxoic, qataq soua tres naponaxaco maye huaiguilo ye vi'i da qaỹo'o't, maye 'eeta', som laloxoqui da qanallec ana nauole maye qaca ana lalecte maye ỹasheeraxachigui, qataq so lỹa maye qaỹo'ot da ime da qanqat ana ala na nañiguishec, qataq so lỹa naponaxac da ivita da qanayenaiguilo naua npele'ete maye choche qaỹa'ara'a't 'epaq lcouepi.

Éxodo 34:17

Qataq saishet qome da qauo'oche ca qanatamnaxala'ai da qauachegoxochiỹaigui ca lcat nqachilliguishec.»

Éxodo 34:18

«Qauo'oche qome ca na'a'q ño'oxonnataxanaxaqui da qaỹo'oxoren da qanallec aca nauole maye qaica na lalegue da ỹasheeraxachigui, qaq nache siete na'axa'te da qollequiitac acamaye. Qataq huetoigui qanqa'eñi ca ca'agoxoic Abib, cha'aye nache vichigui co'ollaq qoquiỹa'ai ye Egipto.

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Ezequiel 46:9

Qaq da huo'o ca naponaxac, nache na nhuo' le'ecpi da pa'auo da ỹo'oxoren Ñim Nataxala', qaq namayepi iuen da 'eeta': Cam tateua'a ca lasom maye pa'aỹa'ague da sheu', qalaq iuen da tachiviigui ca lasom maye pa'aỹa'ague da taguiñi da pa'auec, qaq cam tateua'a ca lasom maye pa'aỹa'ague da taguiñi, qalaq iuen da tachiviigui ca lasom maye pa'aỹa'ague da sheu' da pa'auec. Qaq saishet da nache ỹe'eguelachiviigui cam lasom maye nateua'a co'ollaq pa'auo, nacherata da tateuga cam lasom maye datateguet.