Éxodo 23:13 - La'aqtaqa Ñim Lo'onatac 'Enauacna 2013

¹³ Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Éxodo 23:13 Referans Kwoze

Josué 23:7

Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

1 Timoteo 4:16

Qataq 'am Timoteo, ỹataqta 'antela'a da 'arataxac, qataq 'alotegue da 'arapaxaguenataxanaxac. Ỹataqta qoqueto'ot de'era sheetega, cha'aye da 'auo'ot damaye, nache ỹataqta 'avira'aguet da 'am qanca'alaxatec qataq 'enauac na 'am na'axaỹaxaatega.

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Deuteronómio 12:3

Qataq qaulaxachiigui qome 'enauac aye lca'atoxonaxalatepi coma', qataq qauavigaxache ye lqui'ipi aso Aserá, qataq na laỹe natamnaxala'piolec, nache ỹataqta qauapalaxache 'enauac na le'enaxatpi namayepi yi'iye 'alhua.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Salmos 16:4

qalaxaye na quetague' ne'ena atamnaxala'pi nquictauec da nqui'ic. Qaq aỹem saishet qome da salegueua'a na icoldec naua ntago'q da lachetaqtaxanaxat. Qataq saishet da ñasaxauec na le'enaxatpi namayepi.

Josué 23:11

Qalaxaye ñi 'oonolec da qoñiita ntela'a qome da maiche nachaalataxac, qataq ỹataqta imauec da qarquiyaqteỹaxaqui da qauauochec Ñim Nataxala' maye Qanatamnaxala'.

Josué 22:5

Qalaxaye nacherata da qami' seqaaleguete da ỹataqta qaupaquiichiguilo qome 'enauaque naua 'ena'ape naua namaxasoxonaxaco qataq naua nqataxaco, maye qami' ỹanema so Moisés, maye lamaxashec Ñim Nataxala' maye 'eeta': Ỹataqta qauauochec Ñim Nataxala' maye Qanatamnaxala'ai, qataq nache 'eetai' qome da qoquiiteguelo naua lleco Ñimaye, qataq da qaualaqaigueta naua lamaxasoxonaxaco, qaq nacheñita qome da qoquiitegue, qataq ỹataqta qaumachiỹo'ot da qarquiyaqteỹaxaqui, qataq da qanachaalataxaqui da qauo'onataxañiitacot Ñimaye.»

Efesios 5:12

Cha'aye ỹataqta 'eesa da ỹo'ot da na'agaxa da qaỹa'axat nam ỹo'ottac namayepi maye ỹoxottañi.

Salmos 39:1

Aỹem iuennataxac co'ollaxa da ỹataqta selo'ogue da no'on ỹataxac, yaqto' saishet da huo'o ca ỹasouaxashet souaxat ca 'enapec ñi ỹachaxat, qataq sauo'o so lcoñetaxat na aỹap da ñaq salectaigui na qauemaicpi.

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,

Números 32:38

Nebo, Baal Megón qataq ye Sibemá, qataq naralaxat da le'enaxat se'eso huaqta'a't nỹecpi maye nauaxaỹaxaasheguem.

Éxodo 23:24

Saishet qome da qaua'ayiỹoto naua qarllectelli' na atamnaxala'pi, qataq saishet da qanatamñiỹot, qataq saishet qome da qoquiigue na qauem no'onataxacpi, nachaqrata da qaulaxachiigui 'enauac na ne'enaqtac atamnaxala'piolec qataq ỹataqta laỹelolqa qanqa'eñi da qanlaxachiiñi na coma'pi maye atamnaqa'pi.

Éxodo 23:32

Qaq saishet qome da qanaỹamaxache' yemayepi, qataq saishet da qauatailec ye natamnaxala'pi.

Deuteronómio 4:23

Qalaxaye maxatchaxa qome, saishet da qaucouaỹa'ai da aỹamaxataxac maye qami' ỹo'oteque Ñim Nataxala' maye Qanatamnaxala'ai. Qataq saishet da qauo'oche ca qare'enaqtaqui qanatamnaxala'ai, cha'aye Ñim Nataxala' maye Qanatamnaxala'ai qami' illapeguema co'ollaxa namaye,

Deuteronómio 6:1

Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.