Éxodo 23:12 - La'aqtaqa Ñim Lo'onatac 'Enauacna 2013

¹² Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Éxodo 23:12 Referans Kwoze

Lucas 13:14

Qalaxaye som ilotague' asom paxaguenaxaqui ỹataqta dalemata, souaxat So Jesús da datannaxangui so na'a'q mataxaqui. Nache 'enapega so shiỹaxauapi, 'eeta': –Huo'oi mque' naua seis na'axa'te, maye ishet da qaỹo'onataxanguilo. Qaq nachenauactaxa huetoiguilo da qauanaqui, da yaqto' qami' qanatare'n, qaq saishet da nacheye ye na'a'q mataxaqui.

Éxodo 35:3

Qaq na'aictaxa cam pa'aigue ca qoñiitaña ana 'alhua, qalaxaye da ivita yi'iye na'a'q mataxaqui nache saishet qome da huo'otaq huo'o ca ỹalon ca l-le'.»

Isaías 58:3

qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,

Éxodo 34:21

Qataq qauo'onataxañi caua seis na'axa'te, qaq ca na'a'q siete nache qanmacheeuec, na'aictaxa da laloxoqui da qoỹaañi, huo'otaq da qanqat ana ala ca nañiguishec.

Marcos 2:27

–Ye na'a'q mataxaqui maye saishetapec na judiopi, qaỹo'ot co'ollaxa da yaqto' lalamaxat ca shiỹaxaua, qaq saishet da qaỹo'ot ca shiỹaxaua da yaqto' ye na'a'q mataxaqui lalamaxat camaye.

Éxodo 16:23

Qalaxaye so Moisés 'enapega somayepi, 'eeta': «'Era da la'aqtac Ñim Nataxala'. Qonte' laloxoqui da mataxac, qataq da qaỹo'oxoren Ñimaye. Qaq ỹoqo'oye nagui qauauoche qome cam qauauoitaique da qauauoche, qataq qaỹa'añiiuaq cam qauauoitaique da qaỹa'añiiuaq. Ime, qaq qauaỹamaxache ca no'onañi da taỹaigui imauec qonte'».

Éxodo 23:11

qalaxaye ca vi'i siete, nache qauaqaỹa'a da nmatec na 'alhua. Qaq ca maiche ñaxat nañiguishec, qauaqaỹa'a da yaqto' na shiỹaxauapi choxoraq maye netalec ca qana'alhuai, ishet da chec na ala, qataq ca shiguiỹacpi maye huauec, ishet da chec ca no'onañi. Qaq nache 'eetec nataqa'en ana ala aca qorañiguishi uva qataq aca oliva.

Éxodo 35:2

Seis na'axa'te da qauo'onataxañiitac qome, qalaxaye da ivita ye na'a'q siete, nache qanmachiiuec, cha'aye yi'iye na'a'q huetoigui da ỹataqta qaỹo'oxoren Ñim Nataxala'. Qaq da huo'otaq huo'o ca shiỹaxaua da do'onataxan yi'iye na'a'q maye mataxaqui nache camaye qaỹalauat.

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Nehemías 13:16

Cha'aye nataqa'en so chegaqa'ague da Tiro maye netaña ye Jerusalén, ndotapegueua'a so nỹaq qataq so laỹepi lmenec so na'a'q mataxaqui, nache nmeetague' so Judá le'ecpi.