Éxodo 23:11 - La'aqtaqa Ñim Lo'onatac 'Enauacna 2013

¹¹ qalaxaye ca vi'i siete, nache qauaqaỹa'a da nmatec na 'alhua. Qaq ca maiche ñaxat nañiguishec, qauaqaỹa'a da yaqto' na shiỹaxauapi choxoraq maye netalec ca qana'alhuai, ishet da chec na ala, qataq ca shiguiỹacpi maye huauec, ishet da chec ca no'onañi. Qaq nache 'eetec nataqa'en ana ala aca qorañiguishi uva qataq aca oliva.

Éxodo 23:11 Referans Kwoze

Levítico 25:22

Nache qollequiitac qome aca qaraỹamaqtai qa'añiguishe ala, qataq ivitta'a ca vi'i ocho da qaltaq qaỹa'añiiñi ca dalaxaic qa'añiguishequi, qalaxaye ñaqaiyeta ivirauga ca vi'i nueve aca'aca qaraỹamaqtai nañiguishe ala.

Levítico 25:20

Saiuena'a da maiche qannacheeteguela't, qoñiita': ‹¿Chaq negue'to' cam sacheguenaq da ivireuga que'eca vi'i siete, ye saishet da sanaxanaq qataq da saishet da ñeqataq ana ala na qa'añiguishecpi?›

Éxodo 23:10

«Qami' qana'ayiisheguem qome na 'alhua, qataq qanqache na ala na qorañiguishequi ivittrec caua seis vi'iye,

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Números 16:14

Qataq saishet da 'auañoxot da qomi' 'auauegalo ca 'alhua maye sa qoue na huaca lche', qataq na te'esaq lli'i, qataq da qomi' 'anema ca qana'alhua maye hualec ana nañiguishe uva. ¿Peta'a 'aupi'itaxaatega da qanamaicpi ne'ena shiỹaxauapi da yaqto' maiche 'oiqueetac? Qaq ỹoqo'oye saishet da qolaq.

Nehemías 10:31

Qataq da anac camayepi da qomi' imenoto ca camachaqca lmenec, nallec huo'otaq nogoxoshet da huetoigui ca na'a'q mataxaqui, huo'otaq da huetoigui ca naponaxac, nache qomi' saishet da sesheenaxanaxa. Nataqa'en sanaq so qara'aqtac da ivireuga ca siete vi'i nache saishet da ña'araxasheguem na qana'alhuapi, qataq sapalaxataq 'enauac ana navigaxaistepi.

Deuteronómio 15:11

Cha'aye nache 'eetai' qome da huo'o na choxoraqpi ana 'alhua, ỹoqo'oye 'am samaxalec da 'auchoxoren qome que'eca 'arhuo' le'ec maye choxoraq, qataq huo'o da lhuenaxanaxa maye netaña que'eca 'ana'alhua.

Nehemías 10:32

Qaq ye 'oonolec vi'i nache sanaxauo aca qarachetaqtaxanaqte maye ivi' cuatro gramos ca lcat plata da yaqto' lasheue 'enauac ca lhuenecpi aso atamnaxaqui maye lalamaqte Ñim Lo'onatac 'Enauacna maye Qanatamnaxala',