Éxodo 22:30 - La'aqtaqa Ñim Lo'onatac 'Enauacna 2013

³⁰ nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.

Éxodo 22:30 Referans Kwoze

Levítico 22:27

«Da ivita da ñiguiñi ca huaca llalec, qagueta llalec, quetaq llalec, nache camaye qaỹa'aqta'a da nache nnaictague' aca late'e caua siete na'axa'te, qalaxaye da ivi' ca na'a'q ocho, nache ishet da qaỹaconeguet da qaỹavigaxat da qoỹanot Ñim Nataxala'.

Deuteronómio 15:19

Qaq ca la'auaxanec llalec ỹale aca huaca, huo'otaq aca qagueta, nache 'auỹotauga da lalamaxat 'anqa'en Ñim Nataxala' maye 'Anatamnaxala'. Qataq saishet da 'auo'onataxanaxan da 'auauegaxaalec ca la'auaxanec llalec aca huaca, huo'otaq da 'anpetec na laue ca la'auaxanec llalec aca qagueta.

Levítico 12:3

Nache que'eca nogotolec maye ñiguiñi, qaỹo'ot ca na'anaxat, qanqat na lqaic lo'oc ñi logoxoshet da ivi' caua ocho na'axa'te.

Éxodo 13:12

nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'.

Génesis 17:12

Qaq nagui nache chegoqchiguiña da 'enauac na ỹalleppi da qoñiita, iuen da qaỹauo'o ca na'anaxat na lo'oc da ivi' caua ocho na'axa'te da ñiguiñi, cam lañoqo' ca nma', qataq ca camachaqca nsheenaxanaxat maye chegoqo'ot cam chegaqauec, na'aictaxa da saishet da qami' chegoxogueta.

Levítico 7:23

«Qonapega qome na Israel le'ecpi, qoneta': Saishet qome da qollequi ca lcheta ca huaca, qagueta huo'otaq aca quetaq.

Levítico 7:24

Qataq ca lcheta ca shiguiỹac leuaxaic, huo'otaq ca lcheta ca shiguiỹac lalaatac ca lỹa shiguiỹac maye dequi'iỹapec, camaye nacherata da ishet da qaiuen da qaỹo'onataxana huo'otaq da huo'o ca macheca lỹa naigui qanqa'en, qalaxaye saishet qome da qollequi.

Levítico 7:26

Qaq na'aictaxa ca pa'aigue ca qoñiitaña ana 'alhua, saishet qome da qollequi ca ltago'q ca maỹo, huo'otaq ca shiguiỹac.

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 11:45

Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Levítico 17:15

Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Levítico 22:8

Qataq saishet qome da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, ten qom saishet da qui'itta naqa'en da lataxac. Qaq 'era da ỹa'aqtac, Aỹem Nataxala'.

Deuteronómio 14:21

Qalaxaye saishet qome da qollequi ca shiguiỹac leuaxaic, nacherata da qaỹa'añim da chec ca chegaqauec maye qami' netaiguilo, huo'otaq qaumiñiỹot ca lỹa chegaqauec maye chochaq queuoxoic, cha'aye Ñim Nataxala' maye Qanatamnaxala'ai, qami' iỹotaugalo da ỹataqta qami' lalamaqa'ate, ỹoqo'oye saishet da qauallicñiiguet na lche' aca late'e, ca quetaq llalec da qaỹa'añiiuaq.

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»