Éxodo 22:28 - La'aqtaqa Ñim Lo'onatac 'Enauacna 2013

²⁸ Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Éxodo 22:28 Referans Kwoze

Hechos 23:5

Nache so Pablo 'enapeco': –Qami' ỹaqaỹañicpi, aỹem saishet da saỹaten ñimaye da nacheñi ñim lataxala' na ntaxaỹaxanaxanecpi; cha'aye nache 'enapec naua nanettrañi na'aqtaqa, 'eeta': «Saishet qome da 'ausheuen cam lta'a na 'arhuo' le'ecpi.»

Eclesiastés 10:20

Saishet qome da qoquetapeguelec ca nta'a, ivira'a ye 'arhuennataxa saishet da 'aurolec camaye, qataq saishet da 'auasaxalec ca qauem 'ara'aqtac ca sallaxanec, na'aictaxa da 'am 'oonolec ca qoueta'a, cha'aye nam qoỹopi huaỹotac ishet da taỹa da da'aqtaxanem camaye.

Judas 1:8

Qaq de'era nachera nataqa'en da talec nam qauemaicpi maye qami' sa'aqtaxaateguema. Cha'aye chegoqchiguilo naua qauema lhuennataxaco da ỹo'otec da qauem da lo'ocỹaxac, qataq sa ỹaconeguet da lamaxasoxonaxac Ñim Lo'onatac 'Enauacna qataq isheueetac nam lamaxashecpi piguem le'ecpi Ñimaye.

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Éxodo 21:17

Qataq cam isheuen ca lta'a, huo'otaq aca late'e, camaye qaỹalauat.

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

Hechos 23:3

Qalaxaye so Pablo 'enapeco': –¡Ñim Lo'onatac 'Enauacna 'am iuaxan qome, 'am maye qonetega da 'am 'eesa! 'Am iuen da aỹem 'anmit 'aupagaqchiichigui da 'enapec naua nanettrañi lqataxaco so Moisés, qalaq ¿ta'ainco' da saishet da 'aualaxaleguete naamaye, ỹoqo'oye 'auamaxasoxoolec da aỹem qaiuaxan?

Salmos 138:1

'Am Nataxala', aỹem imauec da iquiyaqteỹaxac da 'am sho'oxoren, qataq so'on nam no'onecpi qom satato'ot ca atamnaxala'pi.

Salmos 32:6

Qaq ỹoqo'oye da qanayeuaigui da que'eenaxac, nache na 'am quetague'pi 'am iỹaxanot, qaq na'aictaxa da ỹa'auat na 'etaxat qataq npaxaasheguem, qalaxaye saishet da ivitsheguema namayepi.

1 Samuel 26:9

Qalaxaye so David, 'enapeco': 'Aua'aqta'a, saishet da 'aualauat, cha'aye saishet da saqca ca nhuaxanaguec ca ỹalauat ca nta'a maye lca'aguishec Ñim Nataxala'.

1 Samuel 24:10

Qaq nagui, 'auaỹateeta da Ñim Nataxala' aỹem ỹanem da nache 'am sachaigui taxa ñi'iñi auac da 'am salauat, qaq na'aictaxa da na ñalleppi aỹem ỹamaqtalec da nache 'am salauat, qalaxaye aỹem choche 'am sechoxoren, nache shenapec saishet da salauat ñi ỹataxala', cha'aye ñimaye lca'aguishec Ñim Nataxala'.

1 Samuel 24:6

nache 'enapego' so nalleppi, 'eeta': ¡Ñim Nataxala', aỹem ỹeltaxaneguet qome da so'otec ca sa ỹaỹamaxañi ñi ỹataxala' maye nta'a! ¡Ñimaye huo'omshe nta'a cha'aye lca'aguishec Ñim Nataxala'!

Levítico 24:16

Qaq 'enauac cam ỹo'ot da l-laraxanaxac qataq da isheuen da le'enaxat Ñim Nataxala', nache qaỹalauat. Nache 'enauac ca lapoota'a't Israel le'ecpi ỹalauat, ỹauota'a na coma' laỹe da ỹasaq. Qaq nache 'ena'am ca chegaqauec huo'otaq Israel le'ec, cha'aye ỹo'ot da l-laraxanaxac, qataq isheuen da le'enaxat Ñim Nataxala', nache camaye qaỹalauat.»

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Levítico 24:15

Nache qonapega qome na Israel le'ecpi, qoneta': ‹Camachaqca shiỹaxaua da ilarapiguiñi Ñim Natamnaxala', nache camaye maiche nque'etaxangui ca nhuaxanaguec.›

2 Samuel 16:5

Qaq co'ollaq ivita ye Bajurín so nta'a David, nache natena'aguet so ỹale maye chegaqaigui so lalamaxat lauo' so Saúl, le'enaxat Simea maye llalec so Gera, somaye ỹataqta qauem na ỹasaxalec la'aqtacpi co'ollaxa so David,

2 Samuel 16:9

Nache so Abisay, maye llalec aso Seruyá, 'enapega so nta'a, 'eeta': ¿Ta'ainco' da qaỹa'aqta'a da ỹasaqtapeguelec nam qauem la'aqtacpi na nta'a de'era pioq leuaxaic? ¡Qaq 'am nta'a, 'onaxaic taxa da aỹem 'auasheetem nagui da secheguec na lqaic damaye!

2 Samuel 19:21

Qalaxaye so Abisay maye llalec aso Seruyá, 'enapeco': «¡Da Simea, ỹasaxalec caillaye na qauem la'aqtacpi da nta'a, ỹoqo'oye damaye iuen da qaỹalauat!»

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Éxodo 13:12

nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'.

Éxodo 23:16

Nataqa'en qauo'oche qome ca qaraponaxaqui da ivita da qanqache ca la'auaxanec ala ca qorañiguishequi maye qaỹa'añiilec ca qana'alhuai, qaq nache 'ena'am da ivita da qanqache ca pa'atec ala 'enauac cam qorañiguishequi que'eca vi'i.

Éxodo 23:19

Qaq ca no'on la'auaxanec ala ca qorañiguishequi, camaye qauroiua'a qome aca atamnaxaqui maye lalamaqte Ñim Nataxala' maye Qanatamnaxala'ai. Qataq saishet qome da qaỹa'añiiuaq ca quetaq llalec da qauallicñiiguet ca lche' aca late'e».