Éxodo 22:26 - La'aqtaqa Ñim Lo'onatac 'Enauacna 2013

²⁶ Qaq que'eca shiỹaxaua da huo'otaq 'am ipatano'ot ca lapo', souaxat aca lavigaxaiste, qaq no'on da 'avi'eguelaxatot camaye ca lpatanec qom inoxootapiguiñi añi nala'.

Éxodo 22:26 Referans Kwoze

Proverbios 20:16

Ca isheeten ca huo'o ca lasouaxashet maye saqaỹauatton, qalaq camaye 'auotaxaneque caua alogo da lpatanaqa 'anqa'en souaxat da itauan ca saqaỹauatton.

Amós 2:8

Qataq nca'aatrapeguelec nam choche npatanec nogoxotpi, da hueta'a ca sa qaỹapeque aca camachaqaca ana nca'atoxonaxalatepi, qataq desheenaxana na lataxa ỹauota'a ana anom ncachaqte, nam nỹomtapigui da hueta'a anam atamnaxaqui maye lalamaqte nam natamnaxala'pi.

Deuteronómio 24:6

Qaq da huo'o ca 'am neto'ot aca lavigaxaiste, nache saishet qome da 'auacona ca lamaicnaxanaxat coma', huo'otaq ca coma' maye lo'o da huo'o ca qailaxachigui, cha'aye damaye 'eeta'am da qaỹacona da nachaalataxac camaye.

Ezequiel 18:16

qataq qaica ca saiyacnapec, qataq saishet da iỹaxanaique ca npatanec da qaỹa'aalaxanot, qataq saishet da decachiỹot ca lỹa, nacherata da ỹachet cam huo'o na lqouaxa, qataq ỹanema caua logo ca huetauec,

Ezequiel 18:7

qataq saishet da saỹaỹamaxatapec ca lỹa, nacherata da ỹe'eguelaxatot cam lalamaxat ca lỹa maye qaipatano'ot co'ollaxa, qataq qaica ca decachiỹot, qataq ỹachet cam huo'o na lqouaxa qataq ỹanema caua alogo ca huetauec,

Proverbios 22:27

cha'aye da qaca aca 'arsheetenaxanaqte, nache ishet da ivira'a da qaiuotaxanec ca 'armala', maye 'aro'ochaxala'.

Da na'aqtaguec so Job 24:3

Qataq deuotaxanec na lalopi 'ashenapi na qaicaua caua lta'al, qataq ipatanauo naqa'en na lauegaxanaxala' huacapi ana pa'aipi.

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Ezequiel 33:15

nache ỹe'eguelaxat cam qaipatano'ot co'ollaxa nogoxoshet, huo'otaq ca decachiỹa co'ollaxa, qataq ipaqueelec nam nqataxacpi maye ỹan da nca'alaxa, qataq ỹaxaañi da ỹo'ottac cam qauem, nache camaye saishet qome da ileu, nacherata da nca'altauec.

Da na'aqtaguec so Job 24:9

Na qauemaicpi qalaq nqateeguesop da l-llepaxac na qaica ca lta'a, qaq na choxoraqpi qalaq ipatanauo naqa'en na lalamaxat.

Da na'aqtaguec so Job 22:6

Cha'aye na'aictaxa da qaica ca ỹasouaxat, ca 'arqaỹa qalaq huo'o añi isheeten 'anqa'en, qataq ivitta'a da 'auotaxanec na logoxotpi na qaica ca ỹaañi, nache huetauec 'anqa'en.

Da na'aqtaguec so Job 24:7

Qataq ye pe qalaq qaica ca napogoña, souaxat da qaica ca logoxot, qataq qaica ca depaqtaxana da mpaxateguet na latomaxa.

Da na'aqtaguec so Job 34:28

Nache ỹo'otec da iviro'ot Ñim Lo'onatac 'Enauacna da la'alaxac na choxoraqpi, qataq da huetaiya' qanqa'en, nache Ñimaye hua'axaỹa de'era la'alaxac namayepi.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.