Éxodo 22:25 - La'aqtaqa Ñim Lo'onatac 'Enauacna 2013

²⁵ Qom huo'otaq 'aua'aalaxanaxan ca shiỹaxaua choxoraq nam ỹalamaxatpi maye qami' netanguilo, nache saishet qome da qoneta'am ca na'aalaxanaxala', da 'auauo'o aca nquiguisheguem 'anqa'en aca 'om maye na'aale.

Éxodo 22:25 Referans Kwoze

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

Ezequiel 18:8

qataq da ỹanec aca alom, qaq saishet da ỹagaqnauec aca iỹaxanaique da ivita da qaisheeten, qataq saishet da ỹo'otec ca qauem ca lỹa, qataq nalochiguiñi da lataxac da lo'onataxanaxac da nmi't caua dos shiỹaxau' maye ncotatega't,

Proverbios 28:8

Ca lapootasheguem da lsallaxa maye ỹachegoxotaigui ana nsheetenaxanaqte, camaye laỹootasheguem da lsallaxa da yaqto' talec qome ca nqouaguec na choxoraqpi.

Nehemías 5:7

Qaq co'ollaq ime da seuennataxaatapeguelec de'era, nache ỹataqta seviraxato'ot so nataxala'pi qataq so ltauapi souaxat da ỹataqta sa ỹala'ac añi isheetetac naqa'en so maiche lauo' le'ecpi. Huaña, nache seỹaxanegue 'enauac somayepi da sauo'o so naponaxac da qaitaxaỹapigui de'era qanayeuaigui.

Ezequiel 18:17

qataq saishet da ỹo'otec ca qauem ca lỹa, qataq saishet da ỹagaqnauec aca iỹaxanaique da qaisheeten aca na'aale alom, qataq ipaqueelec na iqataxacpi qataq ipacchigui na ỹamaxasoxonaxacpi. Qaq que'eca ñalec saishet qome da ileu souaxat na lasouaxashetpi ca lta'a. Camaye ỹoqta 'eesa qome da nca'alec.

Ezequiel 18:13

qataq nquigaxattec añi iỹaxanaique da qaisheeten aca na'aale alom, qaq que'eca ỹale saishet qome da nca'altauec. Qaq da ime da ỹo'ot 'enauac ne'ena lataxacpi maye Aỹem seqaiga, nache camaye ileu qome, qalaxaye da l-leuaxa camaye, chegoqchigui ca maiche lasouaxashet.

Jeremías 15:10

¡Choxoraicolec aỹem, 'am ỹate'e maye aỹem 'auco'oic co'ollaxa da yaqto' ñecotatague' qataq seloctague' 'enauac na shiỹaxauapi ana 'alhua! Qaica co'ollaxa ca sa'aalaxanaxanec aca aỹom qataq qaica ca aỹem ỹa'aalaxanaxanec aca alom, qalaxaye 'enauac na shiỹaxauapi aỹem ỹasaxalec da qauem.

2 Reyes 4:7

Qaq huaña, nache asomaye qaltaq nqo'ona da da'aqtaxanem som la'aqtaxanaxanec Ñim Lo'onatac 'Enauacna, nache somaye 'enapeco': «Nagui, nache 'aumen 'enauac que'eca aceite, ime nache 'ausheeten 'enauac aca 'aravigaxaiste, qaq aca no'onañi lasheue camaye, nache maiche 'armena qome 'am, qataq caua 'aỹa'alqa.»

2 Reyes 4:1

Huo'o aso 'alo, maye lhua co'ollaxa so 'oonolec so na'aqtaxanaxanecpi, asomaye 'enapega so Eliseo, 'eeta': Som ihua maye 'aramaxashec co'ollaxa, somaye ileu, qaq 'am 'auaỹaten da somaye ỹataqta huo'o naq 'enec naqa'en Ñim Nataxala'. Qalaxaye anac so lavigaqtaxanaxala', nache huotaique da ỹaue'c soua dos ỹalqa da yaqto' ỹauo'oi l-lataqa.

Lucas 19:23

Qalaq ¿ta'ainco' ye saq 'aroua'a añim laỹe' ana anom, yaqto' saconeguet acam laueque ana aỹom da ivita da ñe'eguelaxa na ima'?»

Mateo 25:27

qalaq ¿ta'ainco' co'ollaxa da saq 'aroua'a añi laỹe' ana anom anamaye? Yaqto' naguictaxa da ñevi', nache ishettaxa da saconeguet ana aỹom qataq aca laueque.»

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Deuteronómio 15:7

Qaq da huo'otaq huo'o ca choxoraq da netaña ca qonetaigui huaqta'a't nỹecpi ca 'alhua maye 'am ỹami' Ñim Nataxala', maye 'Anatamnaxala', nache saishet da 'aua'añaxattagui añi 'arquiyaqte da sa 'auchoxoren, qataq sa 'autauan que'eca choxoraq,

Deuteronómio 24:13

Nacherata da qaỹe'eguelaxatem que'eca lpatanec da yaqta'a da inoxooñi añi nala', yaqto' napogoña camaye da do'oche da pe. Yaqto' 'am ỹasaxalec ca 'onaxaic la'aqtac, qataq ỹaỹamaxareeta da 'arataxac da 'am ỹalletagui Ñim Nataxala' maye 'Anatamnaxala'.

Ezequiel 18:7

qataq saishet da saỹaỹamaxatapec ca lỹa, nacherata da ỹe'eguelaxatot cam lalamaxat ca lỹa maye qaipatano'ot co'ollaxa, qataq qaica ca decachiỹot, qataq ỹachet cam huo'o na lqouaxa qataq ỹanema caua alogo ca huetauec,

Amós 2:8

Qataq nca'aatrapeguelec nam choche npatanec nogoxotpi, da hueta'a ca sa qaỹapeque aca camachaqaca ana nca'atoxonaxalatepi, qataq desheenaxana na lataxa ỹauota'a ana anom ncachaqte, nam nỹomtapigui da hueta'a anam atamnaxaqui maye lalamaqte nam natamnaxala'pi.