Éxodo 22:23 - La'aqtaqa Ñim Lo'onatac 'Enauacna 2013

²³ cha'aye da sa qauyacñiỹapec camayepi, nache da aỹem iỹaxanot da setauan, nache Aỹem setauan camayepi,

Éxodo 22:23 Referans Kwoze

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Salmos 18:6

Qaq co'ollaq souaigui da iuogoxo nache seỹaxana Ñim Nataxala', seỹaxanot da aỹem itauan Ñim Lo'onatac 'Enauacna, qaq Ñimaye aỹem hua'axaỹa co'ollaq huaña añi atamnaxaqui maye lalamaqte, cha'aye da ỹa'alaxac ishet da ivira'a da hua'axaỹa Ñimaye.

Da na'aqtaguec so Job 34:28

Nache ỹo'otec da iviro'ot Ñim Lo'onatac 'Enauacna da la'alaxac na choxoraqpi, qataq da huetaiya' qanqa'en, nache Ñimaye hua'axaỹa de'era la'alaxac namayepi.

Deuteronómio 15:9

Qataq saishet qome da 'anasheeteuo ca qauem 'arhuennataxa, da nayeetauo ca vi'i siete, maye laloxoqui da qaỹapalaxat aca navigaxaistepi. Nache da 'aulo'ot ca 'arqaỹa maye huo'o da lhuenaxanaxa nache saishet da qauem da 'arashiguiỹaxac, da saishet da 'aỹa'anem ca da'aalaxataique, cha'aye camaye ishet da iỹaxanot Ñim Nataxala', nache huo'o naqa'en ca 'arasouaxashet.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Da na'aqtaguec so Job 35:9

Cha'aye 'enauac na shiỹaxauapi, ỹa'alaqtac souaxat da saqaiyacnapec, nache iỹaxaataique ca ishet da nca'alaxateeguesop na 'añaxaicpi.

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Salmos 140:12

Aỹem saỹaten da Ñim Nataxala' ỹo'otec ca ỹaỹamaqchiguiñi na choxoraqpi, qataq iueelec cam huo'o da lhuenaxanaxa.

Deuteronómio 24:15

Qaq camaye nacheye ye na'a'q da 'ausheeten aca laueque, da ñaq saxanaxa inoxooñi añi nala', cha'aye camaye choxoraq qataq iuen aca'aca laueque da yaqto' deque'etac. Ten qom iỹaxanot Ñim Nataxala' da 'am talec naqa'en ca qauem, nache huo'o qome ca 'arasouaxashet.

Éxodo 22:27

Cha'aye que'eca lapo' nachecata da napotapiguiña da huo'o na latomaxa. ¿Cha'aye negue'to' ca napogoña da nnaañi? Ỹoqo'oye camaye da aỹem iỹaxanot ca ntaunaguec, qalaq setauan, cha'aye aỹem choxonnataxanaxaic.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Salmos 68:5

Ñim Lo'onatac 'Enauacna maye netaña añi qui'itta lalamaqte atamnaxaqui, Ñimaye nacheñi ñi lta'a na qaicaua caua lta'al. Qataq nacheñi ñi iueettapeguelec ana pa'aipi.

Lamentaciones 5:3

Qomi' mashe qaica ca qarta'a nache qomi' saploqpi, ana qarate'elpi qalaq 'eeta'am ana pa'aipi.