Éxodo 22:22 - La'aqtaqa Ñim Lo'onatac 'Enauacna 2013

²² Saishet qome da sa qauyacñiỹapec aca pa'aipi qataq ca saploqpi,

Éxodo 22:22 Referans Kwoze

Isaías 1:17

¡Qanapaxagueñiỹa da qauo'oche ca no'on, qana'añaxache da qauo'oche ca nalochiguiñi, qautauañi ca shiỹaxaua maye sa qaiyacnapec, qauo'ochec ca ỹaỹamaqchiguiñi lataxac ca saploq, qataq qavicheelec aca pa'ai!»

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Zacarías 7:10

Qataq saishet da sa qauaỹamaxacheỹapec aca pa'ai, qataq ca saploq, huo'otaq ca chegaqauec, qataq ca choxoraq. Qataq saishet da qarhuennataqai da qauo'ochec ca qauem ca qarỹai.»

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Isaías 10:2

qataq saishet da ỹo'otec ca ỹaỹamaqchiguiñi lataxac cam qaica ca la'añaxac, qataq saishet da ỹo'ot nam no'on lataxacpi maye huetalec na choxoraqpi maye ỹalamaxatpi, qataq nhuo' ana pa'aipi qataq decachiỹot na saploqpi!

Deuteronómio 27:19

Ỹataqta qauem qome ca talec nhuaxanaguec ca shiỹaxaua da sa ỹaỹamaxatapec ca chegaqauec, huo'otaq ca saploq, huo'otaq aca pa'ai. Nache 'enauac qome na nhuo' le'ecpi, 'eeta': Aja', nache 'eetec.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Deuteronómio 24:18

Qataq saishet qome da qaucouaỹa'ai da qami' nlataqa co'ollaq qoviita'a ye Egipto, qalaxaye Ñim Nataxala' maye Qanatamnaxala'ai qami' nqateeguesopa co'ollaxa yemaye. Qaq ỹoqo'oye nagui, qami' samaxaleguete da qaupaquiichigui qome da qauo'oche de'era.

Da na'aqtaguec so Job 31:16

Aỹem saỹauanago' da sa sa'axaỹa da nachoxonnaxac na choxoraqpi, qataq saishet da sasheetem ana pa'ai da ỹoqouat.

Proverbios 23:10

Saishet qome da 'anqochenaxat ana togoshaapec na'anaxanaqtepi, qataq saishet da 'anamataxaalec da 'auacona ca na'alhua ca qaicaua caua lta'al,

Proverbios 23:11

cha'aye Ñim mpaxattalec namayepi ỹataqta 'añaxaic, qaq Ñimaye ishet da 'am dataỹa'aguet da iueelec namayepi.

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Jeremías 7:7

qaq huaña nache, Aỹem qami' sa'aqta'alo da qoñiitalec ne'ena 'alhua, nam 'alhua maye sanem co'ollaxa som hua'au qarta'ailpi da yaqto' nache 'eetai' da lalamaxat.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Deuteronómio 15:9

Qataq saishet qome da 'anasheeteuo ca qauem 'arhuennataxa, da nayeetauo ca vi'i siete, maye laloxoqui da qaỹapalaxat aca navigaxaistepi. Nache da 'aulo'ot ca 'arqaỹa maye huo'o da lhuenaxanaxa nache saishet da qauem da 'arashiguiỹaxac, da saishet da 'aỹa'anem ca da'aalaxataique, cha'aye camaye ishet da iỹaxanot Ñim Nataxala', nache huo'o naqa'en ca 'arasouaxashet.

Da na'aqtaguec so Job 34:28

Nache ỹo'otec da iviro'ot Ñim Lo'onatac 'Enauacna da la'alaxac na choxoraqpi, qataq da huetaiya' qanqa'en, nache Ñimaye hua'axaỹa de'era la'alaxac namayepi.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.

Proverbios 22:23

cha'aye Ñim Nataxala' ishet da iueelec camaye, nache Ñimaye deuotaxanec nam hueto'ot ca nhuo' camaye.

Mateo 23:14

[¡Ỹataqta qauem da qa'aita'ague qami' fariseopi maye qoñiitega qami' 'eesora! Cha'aye qami' ỹataqta qui'itchiguilo qanqa'eñi naua lma'ate ana pa'aipi, qataq qanqañoxochiỹoigui da qauo'oche da logoraic qanatamnaxaqui, qaq souaxat de'era nache qami' ỹataqta lta'araic qome ca qanhuaxanaguiqui.]