Éxodo 22:21 - La'aqtaqa Ñim Lo'onatac 'Enauacna 2013

²¹ Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Éxodo 22:21 Referans Kwoze

Deuteronómio 10:19

Ỹoqo'oye qami' nataqa'en qauauochec qome ca chegaqauec, cha'aye qami' nataqa'en qauachegoqỹauec co'ollaq qoñiitaña ye Egipto.

Éxodo 23:9

Saishet qome da qavi'iñiỹai' ca chegaqauec, cha'aye qami' nataqa'en qauachigoqoỹauec, qauachegoqỹa'a co'ollaxa ye Egipto, cha'aye qami' mashe qauaỹaañi da qanayeetaña ca ỹaqa'a 'alhua.»

Levítico 19:33

Saishet da qauauo'oi da nque'eenaxac ca ỹaqa'a ca chegaqa'ague maye qami' netaiguilo.

Zacarías 7:10

Qataq saishet da sa qauaỹamaxacheỹapec aca pa'ai, qataq ca saploq, huo'otaq ca chegaqauec, qataq ca choxoraq. Qataq saishet da qarhuennataqai da qauo'ochec ca qauem ca qarỹai.»

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Levítico 25:35

Qaq da huo'o ca 'arhuo' le'ec da ivita da ỹataqta choxoraq, nache da 'am ỹe'eguenot, nache ishet da 'autauan qome camaye, 'eeta'am 'anqa'en ca chegaqauec da 'anamaxasoxoic, nache 'auauo'o ca ldaqa' que'eca 'arma'.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Levítico 19:13

Saishet da huo'o ca sa icherapec ca lỹa, qataq saishet da qauotaxañic ca maiche lalamaxat. Qataq saishet da qanlliitañi ca nsheetenaguec ca 'onataxanaxaic da qaviraxachiỹa'a ca lỹa na'a'q.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Deuteronómio 1:16

Qaq se'eso nataxala'pi maye nmit na nasouaxashetpi sanem co'ollaxa de'era nqataxac, 'eeta': ‹Da qanmiche ca lasouaxashet na shiỹaxauapi, nache 'enauac ca qami' naua'alo na maiche qarhuo'oi le'ecpi qataq nache 'ena'am ca chegaqauecpi maye qami' netaiguilo, nache qauo'ochec ca ỹaỹamaqchiguiñi lataxac,

Deuteronómio 23:16

Qataq qauauaqaita'a qome camaye da qami' netaiguilo, qataq maicheye ca nqopita da naña camaye cam huaqta'a't nỹecpi da yaqto' naigui. Qaq saishet da sa qauyacñiỹapec.

Deuteronómio 27:19

Ỹataqta qauem qome ca talec nhuaxanaguec ca shiỹaxaua da sa ỹaỹamaxatapec ca chegaqauec, huo'otaq ca saploq, huo'otaq aca pa'ai. Nache 'enauac qome na nhuo' le'ecpi, 'eeta': Aja', nache 'eetec.

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Da na'aqtaguec so Job 6:27

¡Qami' ỹataqta qauañoxoche da qaua'ashaxañeetac da nachaalataxac ca saploq, qataq ivira'a da qaumiñi ca maiche qanauochaxauai!

Isaías 1:17

¡Qanapaxagueñiỹa da qauo'oche ca no'on, qana'añaxache da qauo'oche ca nalochiguiñi, qautauañi ca shiỹaxaua maye sa qaiyacnapec, qauo'ochec ca ỹaỹamaqchiguiñi lataxac ca saploq, qataq qavicheelec aca pa'ai!»