Éxodo 22:20 - La'aqtaqa Ñim Lo'onatac 'Enauacna 2013

²⁰ Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.

Éxodo 22:20 Referans Kwoze

Deuteronómio 18:20

Qaq que'eca na'aqtaxanaxanec da ỹa'axattac ca 'eetega ỹa'aqtac da huo'otaq saishet da samaxalec da da'aqtaxan, huo'otaq da ỹa'axattac na laỹepi atamnaxala'pi, nache camaye ileu qome.

Números 21:3

Nache Ñim Nataxala' hua'axaỹa co'ollaxa de'era lỹaxanaxac so Israel le'ecpi, nache itauan da loxonec naqa'en so Canaán le'ecpi, nache so Israel le'ecpi ỹataqta nmatchiguiñi co'ollaxa somayepi, qataq ilaxachigui 'enauac so lalamaxat huaqta'a't nỹecpi maye ỹotta'a't naua nañalo. Ỹoqo'oye nachera da huo'omshe qoỹanagui da le'enaxat Jormá yi'iye 'alhua.

Éxodo 32:8

Yemayepi ỹataqta sanaỹaloxon da ca'ai da llec da ỹamaxasoxonaxac. Qataq ỹo'ot ñim le'enaqtac huaca ỹachegoxotaigui na nqachilliguishec oro, nache natameetacot, qataq ỹanot ana lachetaqtaxanaqtepi, nache 'eeta' da la'aqtac: ‹¡Israel 'iñi ñi qanatamnaxala'ai maye qami' nqateeguesopa ye Egipto!›

Éxodo 34:15

Saishet qome da qanaỹamaxache' ye netalec yi'iye 'alhua, ten, qom qami' ỹauegalo da nataqa'en da qauo'oche de'era nquisheshaxac da natamnot na natamnaxala'pi, qataq da ỹanot aca lachetaqtaxanaqte nache nataqa'en qami' ỹanema da qollequi que'eca nachetaqtaxanaxat,

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

1 Reyes 18:40

Nache so Elías 'enapego' somayepi, 'eeta': ¡Ña qauacoñiiua'a na la'aqtaxanaxanecpi so Baal, yaqto' qaica ca qoỹetauec! Nache so shiỹaxauapi ỹaconeua'a co'ollaxa somayepi, nache so Elías ỹauegaxaama so la'auaxac le'enaxat Cisón, qaq nache huaña da icheguec na lqaicpi somayepi.

2 Reyes 10:25

Qaq co'ollaq ime da ỹaneuo aso lachetaqtaxanaqtepi somayepi, nache so Jehú, ỹamaq som lauanaxanaxanecpi qataq som nataxala'pi, 'eeta': «Ña qaunoxoñiiuo, nache qaualauache de'erapi, nache qaica qome ca qa'echaauec.» Nache so nalleppi so Jehú, ỹalauat somayepi irolec so ỹeelonec, ime nache ỹasaxauec somayepi. Qaq co'ollaq ime, nache taua'a so pa'auo aso atamnaxaqui maye lalamaqte so Baal,

2 Crónicas 15:13

Qataq camachaqca somayepi da saishet da nmitaique Ñim Nataxala', maye Natamnaxala' na Israel le'ecpi, na'aictaxa da ỹe, na'asa, ỹale huo'otaq 'alo, nache camaye qaỹalauat.

Ezequiel 20:7

Nache 'enauac co'ollaxa saishet da huo'o ca seỹotauga da samaxalec da ỹaxanec nam nqaigaxat natamnaxala'pi, qataq da na nqolacpi ye Egipto saishet da ishepaxanaqchet da lataxac namayepi, cha'aye Aỹem Nataxala' nachaỹem Natamnaxala'.

Éxodo 23:9

Saishet qome da qavi'iñiỹai' ca chegaqauec, cha'aye qami' nataqa'en qauachigoqoỹauec, qauachegoqỹa'a co'ollaxa ye Egipto, cha'aye qami' mashe qauaỹaañi da qanayeetaña ca ỹaqa'a 'alhua.»

Levítico 19:33

Saishet da qauauo'oi da nque'eenaxac ca ỹaqa'a ca chegaqa'ague maye qami' netaiguilo.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Deuteronómio 23:8

Qaq na chegoxoguetpi namayepi da ivi' da tres da nqochen ca llalaqpi, nache ishet qome da ỹalegoigui qanqa'eñi ca naponaxac maye lalamaxat Ñim Nataxala'.

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.