Éxodo 22:19 - La'aqtaqa Ñim Lo'onatac 'Enauacna 2013

¹⁹ Qaq 'enauac na shiỹaxauapi da huo'o ca hue'eguet ca shiguiỹac, nache qaỹalauat.

Éxodo 22:19 Referans Kwoze

Deuteronómio 27:21

Ỹataqta qauem qome ca talec nhuaxanaguec ca shiỹaxaua da hue'eguet ca shiguiỹac. Nache 'enauac qome na nhuo' le'ecpi, 'eeta': Aja', nache 'eetec.

Levítico 18:23

Qataq saishet qome da huo'o ca ỹale da hue'eguet ca shiguiỹac, yaqto' saishet da ỹo'ot da saishet da qui'itta souaxat de'era. Nataqa'en aca 'alo saishet da hue'eguet ca shiguiỹac, cha'aye damaye ỹataqta qauem.

Levítico 18:25

cha'aye ivira'a ye na'alhua yemayepi da ỹataqta nshepaxan da lataxac. Ỹoqo'oye Aỹem so'ot da nhuaxanaguec souaxat de'era lle'etaxaloxo, qataq ivira'a yi'iye maiche na'alhua da deqaiga yemayepi.

Éxodo 20:3

Saishet qome da 'auauo'o ca ỹaqauga 'anatamnaxala'pi, nachaqaỹemta.

Éxodo 34:15

Saishet qome da qanaỹamaxache' ye netalec yi'iye 'alhua, ten, qom qami' ỹauegalo da nataqa'en da qauo'oche de'era nquisheshaxac da natamnot na natamnaxala'pi, qataq da ỹanot aca lachetaqtaxanaqte nache nataqa'en qami' ỹanema da qollequi que'eca nachetaqtaxanaxat,

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Deuteronómio 13:2

Qaq da huo'otaq ipacchigui que'eca na'anec, huo'otaq que'eca ỹo'ot da na'aalaxa maye ỹa'axat camaye, nache da huo'otaq qami' 'enapegalo, 'eeta': Qolaq, ñeqo'onaxa ye ỹaqa'a atamnaxala'pi maye sa qauauañiỹapega yaqto' ñatamnaqot.

Deuteronómio 13:16

Ime, nache qalaỹoñiỹa't ca logoxoshetpi camayepi nache qauroỹa ca naponqa'. Nache 'enauac que'eca huaqta'a't nỹecpi, qataq que'eca nogoxoshetpi qauavigaxache. Qaq camaye nache nachetaqtaxanaxat qaỹavigaxatta da qoỹanot Ñim Nataxala'. Qaq que'eca huaqta'a't nỹecpi nache 'eetai' qome da lapootasheguem, nache saishet da qaỹe'eguelaxalec da qano'oxoosheguem.

Deuteronómio 17:2

«Qaq da huo'otaq huo'o ca ỹale, huo'otaq 'alo, nam maiche qarhuo'oi le'ecpi, maye netaigui ca huaqta'a't nỹecpi maye ỹotta'a't naua nañalo maye qami' ỹanema qome Ñim Nataxala' da ỹo'ot ca sa ỹaỹamaxañi da ỹauaachigui Ñim Nataxala', qataq sa ỹalaxaguet na naỹamaxataxacpi Ñimaye,

Deuteronómio 17:5

nache que'eca ỹale huo'otaq 'alo maye ỹo'ot de'era saỹaỹamaxañi, qaỹauegueuga ca ñegueuo ca huaqta'a't nỹecpi nache qaira'a ca coma' da qaỹasaq choche ivitta'a da ileu.»

2 Reyes 23:20

Ime, nache ỹalauat so ntaxaỹaxanaxanecpi maye huetague' naxa se'eso qaỹoqotcheguema atamnaqa'pi, hualec naqa'en aso nca'atoxonaxalatepi, qataq ỹachalec nataqa'en asomayepi so shiỹaxaua lpi'inecpi da ỹavigaxat. Ime, nache somaye ỹe'eguelaxa ye Jerusalén.

2 Crónicas 15:13

Qataq camachaqca somayepi da saishet da nmitaique Ñim Nataxala', maye Natamnaxala' na Israel le'ecpi, na'aictaxa da ỹe, na'asa, ỹale huo'otaq 'alo, nache camaye qaỹalauat.