Éxodo 22:18 - La'aqtaqa Ñim Lo'onatac 'Enauacna 2013

¹⁸ Saishet qome da 'anca'alaxattauec aca conaxanaxai.

Éxodo 22:18 Referans Kwoze

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

1 Samuel 28:3

Qaq so Samuel mashe ileu co'ollaxa, nache qailareña ye Ramá maye maiche lalamaxat lma', nache 'enauac ye Israel da nỹeetapeguelec somaye. Qaq so Saúl mashe ỹo'orauec co'ollaxa som shiỹaxauapi maye ilaviigui ca lỹa, qataq so ima'aguet na nqui'ipi.

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Levítico 19:31

Saishet qome da qanqo'oñiỹa ca ltaxaỹaxaua na nqui'ipi, qataq ca ilaviigui ca lỹa, cha'aye ỹo'ot da saishet da qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:26

Saishet da qollequi ca ñaq huo'o na huetaigui ltago'q. Saishet da qaua'axachiỹaua'a ca saqcha'a nhuennataxac. Qataq saishet da qaunacheetac ca nqui'i, da yaqto' qaua'axachiỹa'aguet ca saqcha'a lataxac.

Isaías 19:3

Aỹem, she'eguelaxata qome da sa ntouen yemayepi, qataq sa ipaigui ñaqa'en nam lapaxañipi. Qaq huaña qome nache inat yem atamnaxala'pi, qataq ye conaxanaxaicpi, qataq na lqui'ipi so leuaxaicpi, qataq nam ilaviigui ca lỹa.

Gálatas 5:20

qataq natameetacot na ne'enaqtacpi, qataq napaxagueetega da laconaxanaxac qataq nquiỹa na laỹepi. Maiche deloctega't, ca'alaxanaxaicpi, qataq sa qaỹaña da layeloxo. Napagaqaanaxaicpi, ncotaxaicpi qataq colaxagui naqa'en na shiỹaxauapi.

Hechos 19:19

Nache ỹataqta qalota nam napaxagueetego' co'ollaxa da saqcha'a lataxac da nalaataxanaxac, nam ndouo ana lere maye huetalec damaye. Nache qaỹavigaxat 'enauac anamayepi, ỹauaachigui qanqa'en na shiỹaxauapi. Qaq aso lasheue aso qaỹavigaxat nerepi, asomaye ivi' cincuenta mil aso anom plata.

1 Samuel 28:9

Nache aso 'alo, 'enapeco': 'Am 'auaỹaten da so Saúl, nqateeguesop ne'ena 'alhua, nache ỹo'orauec 'enauac so shiỹaxauapi maye ilaviigui ca lỹa, qataq so ima'aguet na nqui'ipi. ¿Qaq ta'ainco' da aỹem 'auanaỹa nagui da aỹem 'auatenachet, qataq 'auauotaique da aỹem qaỹalauat?

Jeremías 27:9

Qaq ỹoqo'oye, saishet qome da qaualaqaitapeeguet ne'ena la'aqtaxanaxanecpi namayepi, qataq nam ilaviigui ca lỹa, qataq na ỹa'axa't naua naiguilo naua nchoxonaxaco, qataq nam 'iyaxaic lo'opi, qataq na 'oiquiaxaipi maye huotaique naxa da ỹa'axat cam ñaq taỹa'a da yo'oq, qataq huaqattega da saishet da qanañanot ñi nta'a ye Babilonia.

Jeremías 27:10

Qaq nam qami' ỹa'axatteguema namayepi, qalaq choche ashepegaxanaxac, qaq nacherata da huotaique da qami' qanqateeguesopa na qana'alhuai, qataq da yaqto' qami' so'oldauec nache qaullivi.

Levítico 18:23

Qataq saishet qome da huo'o ca ỹale da hue'eguet ca shiguiỹac, yaqto' saishet da ỹo'ot da saishet da qui'itta souaxat de'era. Nataqa'en aca 'alo saishet da hue'eguet ca shiguiỹac, cha'aye damaye ỹataqta qauem.

Deuteronómio 27:21

Ỹataqta qauem qome ca talec nhuaxanaguec ca shiỹaxaua da hue'eguet ca shiguiỹac. Nache 'enauac qome na nhuo' le'ecpi, 'eeta': Aja', nache 'eetec.