Éxodo 22:17 - La'aqtaqa Ñim Lo'onatac 'Enauacna 2013

¹⁷ Qalaxaye ca lta'a aca'aca qa'añole da huo'otaq sa ỹashen acamaye da huaron, nache que'eca ỹale iuen da isheeten da lataxac da lashiichiỹaxac aca'aca qa'añole.

Éxodo 22:17 Referans Kwoze

Génesis 34:12

Na'aictaxa da late'erai aca qauỹaxañiỹaique da napactelec dam 'eetec naxa, qataq da qalota ca ỹachetaqtaxanaxat, qalaq nache 'ena'am ishet da qami' sanema, qalaxaye qauaqaita'a añi qa'añole da aỹem huaroneguet.»

1 Samuel 18:25

Nache so Saúl, 'enapeco': «Qaua'aqtaxañim ca David qoñeeta', ñi nta'a saishet da ỹauotaique da huo'o ca 'aỹa'anem da lasheue aso llale da yaqto' 'arhua, maye nacherata da huotaique da 'andoua'a ca cien lqaic lo'oc ñi logoxoshet na filisteopi, da yaqto' ỹauo'o ca lvi'.» Qalaxaye da lhuennataxac so Saúl, ỹauotaique da chochaq ỹaneguet da lhuaqỹaxac so filisteopi so David.

Deuteronómio 22:29

nache que'eca ỹale iuen da ỹanem aca cincuenta lcatpiole plata, cha'aye souaxat da ỹe'en acamaye, qataq iuen da nache lhua, qataq nache saishet da ỹalat.

Génesis 23:16

Nache so Abraham ỹasateguet ye lcata aso iỹaxanaique so Efrón, nache ỹauaachigui naqa'en 'enauac so hitiitapi, da quetelec da maiche lataxac somayepi, da isheeten aso lasheue se'eso 'alhua.

Génesis 30:20

nache asomaye, 'enapeco': «Ñim Lo'onatac 'Enauacna, ỹauo'o na ỹataqta no'on ñeme. Qaq nagui so ihua ỹataqta aỹem ỹauotec qome, cha'aye mashe seis naua llalqa. Qaq ỹoqo'oye ne'ena nogotolec, le'enaxat qome da Zabulón.»

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Deuteronómio 18:10

Qataq saishet da huo'o ca 'oonolec da qoñiita da ỹaneuo ca llalec, huo'otaq llale alo da lachetaqtaxanaxat qaỹavigaxat, qataq saishet da napaxaguena da yaqto' ilaviigui ca lỹa, huo'otaq da ỹa'axata'a ca ñaq natauo, qataq saishet da ỹo'ot da naconaxanaxac.

1 Samuel 28:3

Qaq so Samuel mashe ileu co'ollaxa, nache qailareña ye Ramá maye maiche lalamaxat lma', nache 'enauac ye Israel da nỹeetapeguelec somaye. Qaq so Saúl mashe ỹo'orauec co'ollaxa som shiỹaxauapi maye ilaviigui ca lỹa, qataq so ima'aguet na nqui'ipi.