Éxodo 22:14 - La'aqtaqa Ñim Lo'onatac 'Enauacna 2013

¹⁴ Qaq da huo'o ca da'aalaxana ca lalo shiguiỹac ca lỹa, nache que'eca shiguiỹac da ileu, huo'otaq que'emaq, qataq sa ỹauaalec cam lalamaxat, nache que'eca la'aalec que'eca shiguiỹac camaye iuen da isheeten.

Éxodo 22:14 Referans Kwoze

Deuteronómio 15:2

Qataq 'era da qonetec qome: Ñim 'oonolec nam shiỹaxauapi maye ỹa'aalaxanaxan ca lỹa, qalaq iuen da ỹapalaxat aca lavigaxaiste ca lỹa. Nache saishet da qaltaq iỹaxanot ca lỹa da isheeten naqa'en aca'aca lavigaxaiste, cha'aye Ñim Nataxala' laloxoqui naqa'en da qaỹapalaxat 'enauac aca navigaxaistepi.

Levítico 24:18

Qaq ca shiỹaxaua da ỹalauat ca shiguiỹac maye saishet da lalo, nache camaye ỹauo'o ca nmenaxanaxaneguet lỹa shiguiỹac.

Éxodo 21:34

nache que'eca lalamaqte aca nshere, camaye isheeten ca lalamaxat que'eca shiguiỹac, cha'aye ỹasouaxat da ileu, qalaxaye nache no'ona'aguet cam shiguiỹac maye ileu.

Lucas 6:35

Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

Éxodo 22:11

nache que'eca shiỹaxaua ỹan ca la'aqtac hua'aqchigui naqa'en Ñim Nataxala', da saishet da ỹacona que'eca shiguiỹac maye lalamaxat ca lỹa, nache que'eca lalamaxat que'eca shiguiỹac ỹa'amaqten da la'aqtac camaye, nache ca ilotague' ca shiguiỹac sa iuen da isheeten.

Mateo 5:42

Qataq da huo'o ca 'am iỹaxanot, qalaq 'aỹa'anem cam iỹaxanaique. Qataq saishet da 'avi'eguelaxattec da huo'otaq huo'o ca 'am da'alaxaatecot.

Salmos 37:21

Na qauemaicpi ỹauo'o na la'aalec, qalaxaye saishet da isheeten, qaq ca ỹale maye no'on da lataxac, qalaq dechoxonnataxan qataq dachetaqtaxan.

Nehemías 5:4

Nataqa'en huo'o na 'eeta': «Qomi' da huo'omshe ishet da sesheetenaq añi nsheetenaqte ca nta'a, cha'aye huo'o aso qara'aale anom plata, qalaxaye sepatanaqauo na qana'alhua qataq na qorañiguishe uva lma'pi.»

Éxodo 22:13

Qaq que'eca shiguiỹac da qaito, ito ca shiguiỹac maye dequi'iỹapec, nache que'eca ilotague' camaye, iuen da irouo ca no'onañi que'eca ntoc shiguiỹac, yaqto' sa iuen da isheeten.

Éxodo 22:15

Qaq da huo'otaq ỹauaachigui ca lalamaxat que'eca shiguiỹac, nache saishet da isheeten. Qalaxaye da isheeten da na'aalec que'eca shiguiỹac, nache iuen da nachaqacata aca lasheue da na'aalec isheeten.