Éxodo 22:13 - La'aqtaqa Ñim Lo'onatac 'Enauacna 2013

¹³ Qaq que'eca shiguiỹac da qaito, ito ca shiguiỹac maye dequi'iỹapec, nache que'eca ilotague' camaye, iuen da irouo ca no'onañi que'eca ntoc shiguiỹac, yaqto' sa iuen da isheeten.

Éxodo 22:13 Referans Kwoze

Nahúm 2:12

Qaq ca llon da ỹalauat ca loxonec nache iquia'axan aso lloona qataq soua llalqa, qataq nache iỹoqtaigui som lauac nam loxonecpi.

Miqueas 5:8

Qaq nache 'eetec nam no'onañipi lauo' le'ecpi so Jacob qom ỹalectaigui na ỹotta'a't shiỹaxauapi, qalaq 'eeta'am ca llon da ỹalectaigui nam huauec shiguiỹacpi, qataq ca llon llalec da nlecchiguingui aca qaguetapi, nache icolaxattac, qataq ilaxachigui nache saishet da huo'o aca ỹetauec da nca'altauec naqa'en.

Amós 3:12

Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Éxodo 22:12

Qalaxaye que'eca shiỹaxaua da ỹauaachigui da qaicachiỹa ca shiguiỹac, nache iuen da isheeten ca lalamaxat que'eca shiguiỹac.

Éxodo 22:14

Qaq da huo'o ca da'aalaxana ca lalo shiguiỹac ca lỹa, nache que'eca shiguiỹac da ileu, huo'otaq que'emaq, qataq sa ỹauaalec cam lalamaxat, nache que'eca la'aalec que'eca shiguiỹac camaye iuen da isheeten.