Éxodo 21:34 - La'aqtaqa Ñim Lo'onatac 'Enauacna 2013

³⁴ nache que'eca lalamaqte aca nshere, camaye isheeten ca lalamaxat que'eca shiguiỹac, cha'aye ỹasouaxat da ileu, qalaxaye nache no'ona'aguet cam shiguiỹac maye ileu.

Éxodo 21:34 Referans Kwoze

Éxodo 22:14

Qaq da huo'o ca da'aalaxana ca lalo shiguiỹac ca lỹa, nache que'eca shiguiỹac da ileu, huo'otaq que'emaq, qataq sa ỹauaalec cam lalamaxat, nache que'eca la'aalec que'eca shiguiỹac camaye iuen da isheeten.

Éxodo 22:6

Qaq da huo'o ca ỹavigaxat ca ato' ca ỹaqa'a 'alhua, nache ỹavicauga naqa'en ca trigo maye qalapootasheguem, huo'otaq ca nañiguishec lma' maye ñaq tata'a da qanqat na ala, nache que'eca shiỹaxaua maye ỹe'eraxatoigui ca norec camaye iuen da isheeten que'eca nañiguishe lma' maye lasouaxashet da ỹavigoigui.

Éxodo 21:33

Qaq da huo'o ca ỹauattangui aca lshere, huo'otaq da nshe' aca lshere nache saishet da ỹauo'o ca lapoxot, qaq da tangui ca nauegaxanaxala' huaca, huo'otaq ca 'ashena,

Éxodo 21:35

Qaq ca nauegaxanaxala' huaca da huo'otaq iquetogoq ca lỹa nauegaxanaxala' qaq da ỹalauat, nache camaye qaimen, qalaxaye aca lasheue nache qancolaxatchigui, qataq na lapat ca ileu huaca.

Éxodo 22:3

Qalaxaye da huaigui ca na'a'q, nache da l-leuaxa camaye lasouaxashet que'eca dalaataxan. Qaq que'eca cachaxaic, camaye iuen da isheeten ca lcachaxat, qalaxaye da huo'otaq qaca aca alom da isheeten, nache camaye iuen da qaimen yaqto' isheeten ca lcachaxat.

2 Samuel 12:6

¡Qaq camaye iuen da isheeten qome asotai' qagueta, nache cuatro da ỹe'eguelaxalec da isheeten da ỹataqta lasheechiỹaxac asomaye. Cha'aye saishet da dechoxonnataxan da ỹo'ot de'era!

Proverbios 6:31

qaq da qaỹauanalec da decachetac, nache camaye iuen da siete da ỹe'eguelaxalec da isheeten ca lcachaxat, qataq ivira'a da ỹanec 'enauac ca lalamaxatpi.

Ezequiel 33:15

nache ỹe'eguelaxat cam qaipatano'ot co'ollaxa nogoxoshet, huo'otaq ca decachiỹa co'ollaxa, qataq ipaqueelec nam nqataxacpi maye ỹan da nca'alaxa, qataq ỹaxaañi da ỹo'ottac cam qauem, nache camaye saishet qome da ileu, nacherata da nca'altauec.