Éxodo 21:32 - La'aqtaqa Ñim Lo'onatac 'Enauacna 2013

³² Qaq que'eca huaca da iquetogoq ca nlatac, huo'otaq aca nlata, nache qaỹalauat qairota'a ca coma', qaq ca na'aco' ca nlatac huo'otaq aca nlata, nache qaisheeten, treinta aca lcatpiole plata aca qoỹami'.

Éxodo 21:32 Referans Kwoze

Mateo 26:15

Nache 'enapego' somayepi, 'eeta': «¿Chaq negue't aca lasheue da yaqto' qami' setaua'n da saconeua'a So Jesús?» Nache somayepi ỹachaxanapecot somaye aso treinta anom lcatpiole maye chegaqaigui na lcat le'enaxat plata.

Filipenses 2:7

Nachaqrata da, nqat da lataxac maye 'eeta'am Ñimaye, ime nache ỹe'enaxat da 'ena'ama qomi', qataq ivira'a da ỹacona da lataxac ca choche nlatac.

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Éxodo 21:31

Qaq de'era namaxasoxonaxac qaipagaqchiichigui da huo'o ca iquetogoq nsoqolec, huo'otaq qa'añole que'eca huaca.

Éxodo 21:33

Qaq da huo'o ca ỹauattangui aca lshere, huo'otaq da nshe' aca lshere nache saishet da ỹauo'o ca lapoxot, qaq da tangui ca nauegaxanaxala' huaca, huo'otaq ca 'ashena,

Jeremías 32:9

nache Aỹem sesheenaxana yem na'alhua som ihuo' le'ec Janamel. Nache sanem aso diecisiete anom maye chegaqaigui na plata.