Éxodo 21:29 - La'aqtaqa Ñim Lo'onatac 'Enauacna 2013

²⁹ Qalaxaye da maiche lataxac que'eca huaca da togoxosoxonaxaic, qataq ivitta'a da huo'o ca ỹalauat, nache qairota'a ca coma' da qaỹalauat, nataqa'en ca lalamaxat camaye, souaxat da ỹaỹaten, qalaxaye saishet da ỹoqocha'a.

Éxodo 21:29 Referans Kwoze

Génesis 9:5

Aỹem qami' sevitaqna'agueta naua ltago'q ca shiỹaxaua qataq ca shiguiỹac. Cha'aye ñi 'oonolec shiỹaxaua senat qome, ca 'eetec naqa'en da nachaalataxac ca 'eeta'am lỹa.

Éxodo 21:28

«Da huo'o ca nauegaxanaxala' huaca, da iquetogoq ca ỹale huo'otaq aca 'alo, qataq ỹalauat, nache que'eca huaca iuen da qaỹalauat qairota'a ca coma', qataq saishet da qanallec ca lapat, qalaxaye ca lalamaxat que'eca huaca saishet da qaỹauo'o ca nhuaxanaguec.

Éxodo 21:30

Qalaxaye que'eca lalamaxat ca huaca, da huo'otaq huo'o aca lasheue da nachaalataxac, nache camaye isheeten aca'aca lasheue da maiche lca'alaxa.

Éxodo 21:36

Qalaxaye da nache 'eetai' da qaỹaỹaten da lataxac que'eca huaca da togoxosoxonaxaic, qalaxaye ca na'aco' da saishet da ỹoqocha'a, nache camaye iuen da isheeten ca lalamaxat que'eca huaca, ỹaneguet ca lỹa huaca nca'altauec, qalaxaye que'eca ileu taỹot camaye.»