Éxodo 21:20 - La'aqtaqa Ñim Lo'onatac 'Enauacna 2013

²⁰ Qaq da huo'o ca iuaxan ca l-latac, huo'otaq aca l-lata da irota'a ca 'epaq, qaq da huo'o ca ileu caamaye, nache que'eca deuaxanaxan qaỹauo'o ca nhuaxanaguec.

Éxodo 21:20 Referans Kwoze

Romanos 13:4

Cha'aye namayepi do'onataxaatacot Ñim Lo'onatac 'Enauacna, da yaqto' qami' ỹa'añaqche't da qauo'oche ca ỹaỹamaqchiguiñi. Qaq da huo'otaq sa qaualaqai, ¡nache qami' ishet da huo'o da qarcolanaqai!, cha'aye nam lainecpi maye ỹachetac saishet da choche llo'oxoraxat. Namayepi do'onataxaatacot Ñim Lo'onatac 'Enauacna, qalaxaye nataqa'en ishet da ỹauo'o ca nhuaxanaguec ca qauemaic.

Proverbios 29:19

Saishet da ndotec da qaỹauota'aisalo naua na'aqtaqa da qanlaxanec da lataxac ca nlatac, cha'aye camaye ỹaỹaten damaye, qalaxaye saishet da ỹalaq.

Deuteronómio 19:21

Qaq saishet qome da qauchoxoyiñiitac camaye: Cha'aye ca dalaataxan nache nataqa'en qaỹalauat, qataq ca iuaxangui aca la'aite ca lỹa nache nataqa'en qaiuaxangui aca la'aite, qaq ca iuaxaare'c caua lhue ca lỹa nache nataqa'en qaiuaxaare'c caua lhue, qaq ca iuaxangui na lhuaq ca lỹa nataqa'en qaiuaxangui na lhuaq, qataq ca iuaxangui ca lche ca lỹa nataqa'en qaiuaxangui na lche.

Números 35:19

Qaq ca ỹataqta lalamaxat lauo' le'ec que'eca nalaatac, nacheca ca ishet da ipalaique lvi' da ỹalauat que'eca laataxanaxaic da ivita da ilalec.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Génesis 4:24

Qaq so Caín da siete da qaỹe'eguelaxalec da qaỹauo'o ca lvi', nache aỹem iuen qome da setenta y siete da qaỹe'eguelaxalec da qaỹauo'o ca ivi'.»

Génesis 4:15

Qalaxaye Ñim Nataxala', ỹasateguet somaye, 'eeta': «Da huo'o ca 'am ỹalauat, nache camaye siete da qaỹe'eguelaxalec da qaỹauo'o ca nhuaxanaguec.» Nache Ñim Nataxala', ỹauo'o so na'anaxat so Caín, da yaqto' cam natenalec somaye, nache saishet da ỹalauat.

Éxodo 21:19

qalaxaye que'eca qaique'emaqchet da ishet da queuoỹapigui' na'aictaxa da ỹauota'a lashelte, nache que'eca ỹale maye deque'emaqtaxan, camaye qaica ca lasouaxashet. Qalaxaye nacherata da isheeten ca natannaguec qataq caua na'axa'te da sa do'onataxan camaye.

Éxodo 21:21

Qalaxaye da huo'otaq huo'oi caua na'axa'te da nca'altauec que'eca nlatac, nache que'eca na'aco' saishet da qaỹauo'o ca nhuaxanaguec, cha'aye camaye maiche lalamaxat l-latac.