Éxodo 21:14 - La'aqtaqa Ñim Lo'onatac 'Enauacna 2013

¹⁴ Qalaxaye da huo'o ca ỹalauat ca lỹa souaxat da nache 'eetai' da nquiỹatega, nache camaye nache 'ena'am qaỹalauat, na'aictaxa da ỹe'egueneua'a aca nca'atoxonaxalate.

Éxodo 21:14 Referans Kwoze

Hebreos 10:26

Cha'aye da nache qarhuennataxa da qolaqto'ot da so'otaq ca qarasouaxashet da huo'otaq mashe sauattonaq dam 'eesa lapaxaguenataxanaxac Ñim Lo'onatac 'Enauacna, nache qaica ca ishet da qaltaq sanaqot Ñimaye da yaqto' ỹapalaxat na qarasouaxashetpi.

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Salmos 19:13

Qataq aỹem 'anqateeguesop qome da ña'amqaanaxac, qataq saishet qome da aỹem 'auashenem da ña'amqaanaxac da aỹem loxonec. Yaqto' nalochiguiñi da ỹataxac, qataq saishet da lta'araic ca ỹasouaxashet.

2 Reyes 11:15

Qalaxaye so ntaxaỹaxanaxanec Joyadá, 'enapego' som lataxala'pi so alleppi, 'eeta': «Qaupa'axañiiuec ara'ara, qaq da huo'o ca nshetaique da itauan aramaye, nache qaualauache nataqa'en.» Qaq cha'aye so ntaxaỹaxanaxanec, 'enapega co'ollaxa somayepi da saishet da ỹalauat asomaye da huaigui aso atamnaxaqui maye lalamaqte Ñim Nataxala',

2 Samuel 3:27

Qaq co'ollaq nvireua'a ye Hebrón so Abner, nache so Joab ỹauegueuga ye 'oonolec laỹe ye ñegueuo so huaqta'a't nỹecpi, cha'aye 'eetega huotaique da ndote' da na'aqtaxane' nache huaña co'ollaxa yemaye da ipalaique lvi' so Joab, nache ỹa'attoiguilo naua lchishe'ete so Abner nache ỹalauat, souaxat da ỹalauat co'ollaxa so Asael.

Deuteronómio 27:24

Ỹataqta qauem qome ca talec nhuaxanaguec ca shiỹaxaua da ique'elaxat ca lỹa da ỹalauat. Nache 'enauac qome na nhuo' le'ecpi, 'eeta': Aja', nache 'eetec.

Deuteronómio 18:22

Qaq que'eca la'aqtaxanaxac que'eca na'aqtaxanaxanec da saishet da ipaigui, nache la'anaxat qome da saishet da nacheñi Ñim Nataxala' da ỹamaxalec da da'aqtaxan camaye. Cha'aye camaye ỹa'aqtaxanaxan da maiche na'amqaanaxac, ỹoqo'oye saishet qome da qayi'iitega camaye.»

Deuteronómio 1:43

Qaq ñaq 'eetalec da sa qana'axaỹaxañi, sa qaualaqaiguet da la'aqtac Ñim Nataxala', ndotec da qanachaqchiñi, nache qoquiisheguemec añi qasoxonaxa.

Éxodo 21:15

Qaq da huo'o ca ique'emaqchet ca lta'a, huo'otaq aca late'e, nache camaye qaỹalauat.

Números 35:16

Qaq da huo'o ca ique'emaqchet ca lỹa irota'a ca lcat, nache que'eca qaique'emaqchet da ileu, nache que'eca deque'emaqtaxan, camaye laataxanaxaic, qaq camaye nache qaỹalauat.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.