Éxodo 21:1 - La'aqtaqa Ñim Lo'onatac 'Enauacna 2013

¹ Qaq 'ena na iqataxacpi maye 'aua'aqtaxanem qome na Israel le'ecpi, 'eeta':

Éxodo 21:1 Referans Kwoze

Deuteronómio 4:14

Ime, nache aỹem ỹamaxalec da qami' sapaxagueneque ne'ena lqataxacpi qataq na lapaxañi lataxacpi, yaqto' ỹataqta qauo'oche da ivita da qoñiỹalec yi'iye 'alhua.

Deuteronómio 6:20

Qaq da huo'o ca na'a'q da qami' ina't na qoyalquipi, da 'eeta': «¿Negue't ca naigui ne'ena namaxasoxonaxacpi, nqataxacpi, qataq na qalapaxañi lataxacpi, maye qomi' ỹamaxaleguete Ñim Nataxala' maye Qanatamnaxala'?»

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Malaquías 4:4

Qantoñeeta'aque qome, naua iqataxaco maye sanema co'ollaxa so ỹamaxashec Moisés, co'ollaq huaña añi qasoxonaxa Horeb, naamaye nachenaua na llapaxayiñi lataxaco, qataq ỹamaxasoxonaxaco da yaqto' 'enauac na israel le'ecpi iuen da ỹalaxaleguete.

Ezequiel 20:25

Qaq ivira'a da sanem da quegue nam nqataxacpi maye saishet da no'on, qataq nam namaxasoxonaxacpi maye saishet da ỹachegoxotaigui ca lca'alaxa.

Ezequiel 20:11

qaq huaña yemaye nache sachaxana na iqataxacpi qataq na ỹamaxasoxonaxacpi, maye ỹanem da lca'alaxa cam ỹo'ot namayepi.

Salmos 147:19

Ñimaye, ỹachaxanalo co'ollaxa naua la'aqtaqa so Jacob, qataq ỹachaxanalo naua lqataxaco qataq naua lamaxasoxonaxaco so Israel.

Nehemías 10:29

qataq huaxaiguet so lauo' le'ecpi, qataq so lataxala'pi somayepi, nache ỹan so la'aqtac da yaqto' ipactelec 'enauac na lqataxacpi Ñim Lo'onatac 'Enauacna, maye ỹachegoxotchigui co'ollaxa so lamaxashec Moisés, qataq da ỹalaxaguet na lamaxasoxonaxacpi, qataq da llec na lqataxacpi Ñim Nataxala' maye Qanatamnaxala'.

2 Crónicas 19:10

Qaq da huo'o camachaqca nam cotaxacpi, da qami' ndoua'alo nam netaigui nam huaqta'a't nỹecpi maye ỹotta'a't naua nañalo, da huo'otaq qanmiche ca lataxac da huo'o ca nalaatac, qalqo' da qauo'ogoxoñiỹa na nqataxacpi, na qalapaxañi lataxacpi, nam qaỹo'ot lataxacpi, qataq nam namaxasoxonaxacpi, nache qauqachiỹa namayepi da saishet da ỹauo'o ca lasouaxashet da hueto'ot naqa'en Ñim Nataxala', yaqto' da layeloxo Ñim Nataxala', saishet da qami' taleguete, qataq nam qarqaỹaipi. Qaq da qauo'oche de'era, nache qaica ca qarasouaxashiche qome.

1 Reyes 6:12

«Qaq cha'aye 'auo'ottac ana'ana atamnaxaqui, nache aỹem, 'am shenapega nagui, qom ỹataqta qoqueteguelo naua iqataxaco, qataq naua llapaxayiñi lataxaco, qataq da ỹataqta 'auo'ot 'enauac na ỹamaxasoxonaxacpi, nache sepacchigui qome som ỹa'aqtac maye sanem co'ollaxa so 'arta'a David, co'ollaq 'am setaqtega.

Deuteronómio 6:1

Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.

Deuteronómio 5:31

qalaxaye 'am ña qoua'a qome ne'ena, cha'aye 'am sanem na ỹamaxasoxonaxacpi, iqataxacpi, qataq na llapaxañi lataxacpi maye 'auapaxaguenec qome namayepi, yaqto' ỹo'ot qataq ỹalaxaguet qom mashe hueta'a yi'iye 'alhua maye sanem da lalamaxat.

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Deuteronómio 4:45

qataq na namaxasoxonaxacpi, nqataxacpi, qataq na qalapaxañi lataxacpi maye ỹa'axatem somayepi co'ollaq ca'ai ye Egipto,

Deuteronómio 4:8

Qataq ne'ena ỹotta'a't shiỹaxauapi 'amaqtaqaicpi, ¿negue't ca hueto'ot ca ỹaỹamaqchiguiñi nqataxacpi, qataq ca qalapaxañi lataxacpi da 'eeta'am ne'ena napaxaguenataxanaxacpi maye qami' sanema nagui?

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Números 36:13

Qaq 'era da namaxasoxonaxac qataq da qalapaxañi lataxac maye Ñim Nataxala' ỹanem so Moisés, da yaqto' ỹamaxalec so Israel le'ecpi co'ollaq huaña ye nalochiguiñi 'alhua ye Moab, maye sa qaỹapeque ye Jordán qataq nalotta ye Jericó.

Números 35:24

nache ca maiche nhuo' le'ecpi nmit qome da l-leuaxa que'eca ileu, qataq ca ipaltaique lvi', nache qaipacchigui da lataxac na nqataxacpi maye qalapaxañi.

Levítico 20:22

Ỹataqta qoquiiteguelo qome naua lleco na iqataxacpi, qataq na ỹamaxasoxonaxacpi, qataq qaualaqaiguet. Yaqto' saishet qome da qami' ỹo'oldauec yi'iye 'alhua maye qami' sauegalo da yaqto' qaralamaxache.

Levítico 19:37

Qaq ỹoqo'oye qoquiiteguelo qome naua lleco naua iqataxaco, qataq naua ỹamaxasoxonaxaco, qataq qaupaquiichiguilo qome. Qaq 'era da ỹa'aqtac, Aỹem Nataxala'.»

Levítico 18:26

Qalaxaye qami' Israel le'ecpi, qataq na chegaqauecpi maye qami' netaiguilo, qauloitelec qome na iqataxacpi qataq na ỹamaxasoxonaxacpi, qataq saishet qome da qauo'oche ne'ena sa ỹaỹamaxañesat,

Levítico 18:5

Ỹoqo'oye ỹataqta qauloitelec qome na iqataxacpi, qataq na ỹamaxasoxonaxacpi, cha'aye ca shiỹaxaua maye ỹalaq, nache nca'alec qome. Qaq 'era da ỹa'aqtac, Aỹem Nataxala'.

Éxodo 19:7

Huaña nache ñe'eguelaxañi so Moisés, nache iỹaxaneuga so lqueroxonecpi so Israel le'ecpi, nache ỹa'axatem 'enauac da ỹamaxalec Ñim Nataxala'.

Deuteronómio 15:12

Qaq da huo'o ca nmeela't da 'ausheenaxana da yaqto' 'arlatac na maiche 'arhuo' le'ecpi, ỹale huo'otaq 'alo, nache camaye seis vi'iye da 'alattac, qaq da ivita ca vi'i siete nache 'ausoueeguesop da nlataguec.