Éxodo 20:9 - La'aqtaqa Ñim Lo'onatac 'Enauacna 2013

⁹ Seis caua na'axa'te da qauo'onataxañiitac qataq qaumachiỹaiguilo 'enauac cam huotaique da qauo'oche,

Éxodo 20:9 Referans Kwoze

Lucas 13:14

Qalaxaye som ilotague' asom paxaguenaxaqui ỹataqta dalemata, souaxat So Jesús da datannaxangui so na'a'q mataxaqui. Nache 'enapega so shiỹaxauapi, 'eeta': –Huo'oi mque' naua seis na'axa'te, maye ishet da qaỹo'onataxanguilo. Qaq nachenauactaxa huetoiguilo da qauanaqui, da yaqto' qami' qanatare'n, qaq saishet da nacheye ye na'a'q mataxaqui.

Éxodo 34:21

Qataq qauo'onataxañi caua seis na'axa'te, qaq ca na'a'q siete nache qanmacheeuec, na'aictaxa da laloxoqui da qoỹaañi, huo'otaq da qanqat ana ala ca nañiguishec.

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Éxodo 35:2

Seis na'axa'te da qauo'onataxañiitac qome, qalaxaye da ivita ye na'a'q siete, nache qanmachiiuec, cha'aye yi'iye na'a'q huetoigui da ỹataqta qaỹo'oxoren Ñim Nataxala'. Qaq da huo'otaq huo'o ca shiỹaxaua da do'onataxan yi'iye na'a'q maye mataxaqui nache camaye qaỹalauat.

Éxodo 16:26

Qami' ishet da qandoitapegueuo ne'ena nallec, choche ivittraue'c naua seis na'axa'te, qalaxaye da ivireuga ye na'a'q siete maye mataxaqui, nache saishet da huo'o anamaye.»

Éxodo 31:15

Nache seis na'axa'te da huo'o ca qaỹo'ot no'onatacpi, qalaxaye da ivita ye na'a'q siete, nache mataxaqui. Qaq da huo'o ca shiỹaxaua da do'onataxan yi'iye na'a'q mataxaqui nache camaye qaỹalauat›.

Éxodo 35:3

Qaq na'aictaxa cam pa'aigue ca qoñiitaña ana 'alhua, qalaxaye da ivita yi'iye na'a'q mataxaqui nache saishet qome da huo'otaq huo'o ca ỹalon ca l-le'.»

Deuteronómio 5:13

Qataq seis na'axa'te da qauo'onataxañiitac da qauo'oche 'enauac nam qansheetaique da qauo'oche,

Ezequiel 46:1

«Aỹem Nataxala', shenapec: Ñi lasom maye pa'aỹa'ague da nala' lliguisheguem ye qasoxoc maye pa'aỹauo, ñimaye iuen da napotagui qome ivittre'c caua seis na'axa'te maye no'onataxanaxaqui', qaq nachaqyeta ye na'a'q mataxaqui, qataq ye dalaxaic ca'agoxoic maye ishet da qaỹauatoigui.