da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.
Éxodo 20:5 - La'aqtaqa Ñim Lo'onatac 'Enauacna 20135 Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi. Gade chapit la |
Éxodo 20:5
65 Referans Kwoze
Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.
Saishet qome da qaua'ayiỹoto naua qarllectelli' na atamnaxala'pi, qataq saishet da qanatamñiỹot, qataq saishet qome da qoquiigue na qauem no'onataxacpi, nachaqrata da qaulaxachiigui 'enauac na ne'enaqtac atamnaxala'piolec qataq ỹataqta laỹelolqa qanqa'eñi da qanlaxachiiñi na coma'pi maye atamnaqa'pi.
Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.
Saishet da deuennataxaalec, cha'aye qaica ca lauattonaxanaxac, qataq qaica ca laỹaanataxanaxac da yaqto' ishet da 'eeta': «na laỹepi som qo'oipaq savigaxat, nache aso lpoqo so'ogona da so'ot aso ỹauole 'ayiiña, qataq so ỹauoc lapat ime, nache sachec. Qaq som no'onañi se'eso qo'oipaq nache so'onataxana da so'ot som ỹataqta nqaigaxat, ¡qaq nam sho'oxoreetac nagui, namaye choche qo'oipaq laỹe!»
Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,
Qaq se'eso shiỹaxaua ỹachaxanec so lhuaq nache ỹaconoigui na ỹaue. Qaq huaña nache so la'añaxac Ñim Lo'onatac 'Enauacna, naỹoxoosheguem naqa'en aỹem, qaq huaña nache huo'o so ỹauanaqchec chegoqo'ot Ñim Lo'onatac 'Enauacna nache aỹem ỹauega ye Jerusalén, nache aỹem ỹanaña ñi lasom maye pa'auo, qataq datata'ague da sheu', yem huaqta'a't nỹecpi maye netaña som nqolac maye ỹo'ot da dalemata Ñim Nataxala'.
Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.
qom saishet da qaualaqailec da aỹamaxataxac maye qami' ỹo'oteque Ñim Nataxala' maye Qanatamnaxala'. Qataq da qavio'oxoyiñi ca ỹaqa'a atamnaxala', qataq da qaua'ayiỹoto naua qarllicchilli' camaye, nache Ñim Nataxala' qami' dalemataỹalo qome, nache qami' nqateeguesopa ne'ena no'on 'alhua maye qami' ỹanema Ñimaye.»
Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»
Qaq huaña qome, nache qami' qaunataxañi, qoñeeta': «¿Ta'ainco' da so ñalec saishet nataqa'en da isheeten nam lasouaxashetpi so lta'a?» Qaq cha'aye que'eca ñalec, ỹo'ot da no'on qataq da ỹaỹamaqchiguiñi lataxac, qataq ipacchigui da lataxac, qataq ỹo'ot 'enauac nam iqataxacpi: qaq ỹoqo'oye camaye ỹoqta 'eesa qome da nca'alec.
Qalaxaye ñachoxonnot Ñim Nataxala' da chochaq aỹem ichoxoren, qom ivita da yo'oxonnataxan so nta'a ye Siria da taua'a añi atamnaxaqui ye Rimón, da ỹacootaua'a na ihuaq, qataq da sa'alyiñi naua illecte da huaigui añi atamnaxaqui, nache choche aỹem ichoxoren qome Ñim Nataxala', souaxat da sheetec de'era.
Piblisite