Éxodo 20:4 - La'aqtaqa Ñim Lo'onatac 'Enauacna 2013

⁴ Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat.

Éxodo 20:4 Referans Kwoze

Levítico 26:1

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Deuteronómio 5:8

Qataq saishet da qauo'oche ca qare'enaqtaqui da 'eeta'am na hueto'ot na piguem, huo'otaq na netalec ana 'alhua, huo'otaq na 'etaxat maye huetaña na ỹataqta pa'aguiñi ana 'alhua.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Levítico 19:4

Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Hechos 17:29

Ỹoqo'oye nagui da ỹoqta 'en da qomi' llalaqpi Ñim Lo'onatac 'Enauacna, nache saishet da 'eeta'am ñaqa'enaq Ñimaye ca choche ne'enaqtac nqui'i maye chegaqaigui na oro, huo'otaq na plata qataq na coma' maye maiche lo'onatac ca shiỹaxaua ỹachegoxotchigui ca maiche lhuennataxac.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

Apocalipsis 16:2

Nache jec som hua'auchiguiñi namaxashec piguem le'ec da icorelec ana 'alhua som huetagui aso ỹomaxaqui, nache 'enauac nam huo'o na na'anaqte maye chegoqo'ot so shiguiỹac leguemaxaic qataq ỹo'oxoreetac so ne'enaqtac maye lqui'i somaye, namayepi nasheguem na lo'oc na lquesaxa maye ỹataqta qaica ca 'ena'am da lqui'ic.

Romanos 1:23

Saishet da ỹo'oxoren ñi 'oonolec qataq 'añaxaic maye Lo'onatac 'Enauacna, maye nache 'eetai' da nca'altauec, nachaqrata da ỹo'oxoreetac na le'enaqtacpi maye maiche lo'onatac: Ne'enaqtacpi maye qaỹe'enaxat da lataxac ca yo'oqchigui shiỹaxaua maye huo'o ca loga't, qataq ivira'a da ỹo'ot na le'enaqtacpi maye lqui'i na maỹopi, qataq na shiguiỹacpi maye cuatro naua lapia'ate qataq na hualectapigui'.

Isaías 45:16

'Enauac nam ỹo'ottac na ne'enaqtacpi atamnaxala'pi, huo'o qome da la'aloxo qataq qaica ca la'amaqchec, qataq qane'eetapigui.

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

Ezequiel 8:10

Qaq aỹem sepa'auo, nache sela'a da 'enauac so mpaqtaxanaxat da qoỹettalec so ne'enaqtacpi maye lqui'ipi na hualectapigui' qataq na laỹepi shiguiỹacpi maye nshepaxan qataq nam ỹotta'a't lqolacpi na nhuo' Israel le'ecpi.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Isaías 42:17

Qaq nam pe'etega cam saq 'en atamnaxala'pi, qataq nam detaxaỹa nam ne'enaqtacpi, 'eeta': ‹Nache qami', maye qami' qanatamnaxala'pi› namayepi jec qome ỹachetec da lcoxo.»

2 Crónicas 33:7

Nataqa'en ỹanaigui aso atamnaxaqui maye lalamaqte Ñim Nataxala' so le'enaqtac nqolac, maye Ñim Nataxala' mashe hueqattega co'ollaxa so David, qataq so llalec Salomón, co'ollaq 'eeta': Ana'ana atamnaxaqui maye naña na Jerusalén, maye lleca'aguishe co'ollaq lleca'agui 'enauac nam maiche nalamaxat nhuo' Israel le'ecpi, anamaye nache 'eetai' qome da hueta'a da ỹe'enaxat.

1 Reyes 12:28

Qaq co'ollaq ime da dechemaqtaxaateguelec de'era so nta'a, nache ỹo'o't soua dos le'enaqtaqa huaca llalqa do'onataxana so oro, nache 'enapega so shiỹaxauapi, 'eeta': «Qami' Israel le'ecpi, mashe qaỹoqtegue da qavi'iguelaqaita'a ye Jerusalén. Qaq 'enaua nagui naua qanatamnaxala'achilli', maye qami' nqateeguesopa co'ollaxa ye Egipto.»

Éxodo 34:17

Qataq saishet qome da qauo'oche ca qanatamnaxala'ai da qauachegoxochiỹaigui ca lcat nqachilliguishec.»

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 32:23

Cha'aye namayepi maichena da aỹem 'enapega, 'eeta': Qoñisheguem qome, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa co'ollaxa ye Egipto».

Éxodo 32:8

Yemayepi ỹataqta sanaỹaloxon da ca'ai da llec da ỹamaxasoxonaxac. Qataq ỹo'ot ñim le'enaqtac huaca ỹachegoxotaigui na nqachilliguishec oro, nache natameetacot, qataq ỹanot ana lachetaqtaxanaqtepi, nache 'eeta' da la'aqtac: ‹¡Israel 'iñi ñi qanatamnaxala'ai maye qami' nqateeguesopa ye Egipto!›

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Jueces 17:3

Nache so Micaía ỹe'eguelaxatot aso alom plata aso late'e, nache asomaye 'enapega, 'eeta': Qaq souaxat 'am ỹalcolec, nache nagui anamaye sanot Ñim Nataxala' da yaqto' qaỹo'ot ca ne'enaqtac 'epaq atamnaxala' maye qaỹo'oxoolec na lcat plata.

2 Reyes 17:12

Qataq natameetacot so saq 'en atamnaxala'pi, maye Ñim Nataxala' saỹashenem co'ollaxa da natamnot.

Salmos 78:58

Qataq inogoqchet Ñimaye, souaxat ana lca'atoxonaxalate na ỹotta'a't shiỹaxauapi, da natameetacot na ỹaqa'a atamnaxala'pi, nache ỹo'otteua'a da dalemata Ñimaye.

Ezequiel 8:3

Qaq se'eso shiỹaxaua ỹachaxanec so lhuaq nache ỹaconoigui na ỹaue. Qaq huaña nache so la'añaxac Ñim Lo'onatac 'Enauacna, naỹoxoosheguem naqa'en aỹem, qaq huaña nache huo'o so ỹauanaqchec chegoqo'ot Ñim Lo'onatac 'Enauacna nache aỹem ỹauega ye Jerusalén, nache aỹem ỹanaña ñi lasom maye pa'auo, qataq datata'ague da sheu', yem huaqta'a't nỹecpi maye netaña som nqolac maye ỹo'ot da dalemata Ñim Nataxala'.

Ezequiel 20:7

Nache 'enauac co'ollaxa saishet da huo'o ca seỹotauga da samaxalec da ỹaxanec nam nqaigaxat natamnaxala'pi, qataq da na nqolacpi ye Egipto saishet da ishepaxanaqchet da lataxac namayepi, cha'aye Aỹem Nataxala' nachaỹem Natamnaxala'.

Éxodo 20:23

Saishet qome da qauo'oche ca qare'enaqtaqui chegaqaigui na lcat oro huo'otaq na plata da yaqto' qanatamñiitacot da 'eeta'am Aỹem.

Éxodo 32:4

nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Deuteronómio 16:22

Qataq saishet da qano'oxoñiisheguem ca qare'enaqtaqui coma' da yaqto' qanatamnaxala'ai, cha'aye Ñim Nataxala' maye Qanatamnaxala'ai saishetaxateguet camaye.