Éxodo 20:22 - La'aqtaqa Ñim Lo'onatac 'Enauacna 2013

²² Ñim Nataxala' 'enapega so Moisés, 'eeta': «'Aua'aqtaxanem qome na Israel le'ecpi qoneta': Qaq qami' mashe Aỹem qauauañiichigui da sooto'ot na piguem da qami' setaqtegueto.

Éxodo 20:22 Referans Kwoze

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Deuteronómio 4:36

Qataq chegoqtot naqa'en na piguem da lavilỹaxac, nache qaua'aqaitega da qami' ỹapaxagueeta'ape. Qataq huaña naqa'en ana 'alhua da qami' ỹachaxanalo so lta'araic norec, qataq nache chemaqtapoigui somaye co'ollaq qaua'aqaitegalo naua la'aqtaqa.

Deuteronómio 4:33

Na ỹotta'a't nhuo' le'ecpi ana 'alhua, ¿peta'a huo'o co'ollaxa ca 'eeta'ama qami' da hua'aqtega da detaqtac Ñim Nataxala' huetaigui ca norec, nache saishet da ileu?

Deuteronómio 5:24

nache 'eeta': «Ñim Nataxala' maye Qanatamnaxala' ỹataqta qomi' ỹachaxanalo da la'añaxac, qataq da la'amaqchec, nache sa'axasoqchiguilo naua la'aqtaqa chemaqtapoigui so norec. Qaq nagui sauanaqchigui da ca shiỹaxaua ishet da detaxaỹapegue' Ñim Nataxala' qalaq saishet da ileu.

Deuteronómio 5:26

cha'aye, ¿negue'to' ca choche shiỹaxauatto da hua'aqchigui da lavilỹaxac Ñim Nataxala', chemaqtapoigui ca norec, qaq nache 'eetai' da nca'altauec da 'eeta'ama qomi'?