Éxodo 20:21 - La'aqtaqa Ñim Lo'onatac 'Enauacna 2013

²¹ Qaq so shiỹaxauapi co'ollaq ñaq qaỹatauga so hueta'a, nache so Moisés tasheguema so lo'oc maye ỹataqta napalñi, som huetaigui Ñim Lo'onatac 'Enauacna.

Éxodo 20:21 Referans Kwoze

1 Reyes 8:12

Qaq huaña nache so Salomón, 'enapeco': «'Am Nataxala', qonapec co'ollaxa da nache qouetaigui na napalaxa na sansatchiguiñi lo'oc.

Salmos 97:2

Na napalñi lo'oc coleesop Ñimaye, qataq da nalochiguiñi qataq da no'on lataxac, nachera da na'attalec da lo'onataxanaxac Ñimaye.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Salmos 18:9

Qataq ỹauachigui na piguem nache huenotec, nache petaigui so sansattec lo'oc.

2 Crónicas 6:1

Huaña nache so Salomón 'enapeco': «'Am Nataxala', qonapec co'ollaxa da qonetaigui ca napalñi lo'oc.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Salmos 18:12

Nache na le'eraxa Ñimaye chegaqaigui so lo'oc, qataq aso lache qataq aso 'ettaigui poqopi.

Deuteronómio 5:22

Qaq 'ena na la'aqtacpi maye na'axannec da nasaxauec co'ollaxa Ñim Nataxala' co'ollaq qoviito'ot na loigue añi qasoxonaxa, Ñimaye chemaqtapoigui so norec maye huetaigui so sansatchiguiñi qataq napalñi lo'oc. Qaq co'ollaq ime ne'ena la'aqtacpi, nache ỹereleguete soua dos coma'ye, nache aỹem ỹanema.

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':