Éxodo 20:20 - La'aqtaqa Ñim Lo'onatac 'Enauacna 2013

²⁰ Nache so Moisés, 'enapeco': «Saishet qome da qayi'i. Cha'aye Ñim Lo'onatac 'Enauacna anac da choche qami' ỹe'egue'n, yaqto' nache 'eetai' da qayi'iỹai Ñimaye, qataq saishet da qauo'oche ca sa ỹaỹamaxañi.»

Éxodo 20:20 Referans Kwoze

Deuteronómio 13:3

Nache saishet qome da qaualaqaiguet que'eca 'eetega na'aqtaxanaxanec huo'otaq choxonaxaic. Cha'aye Ñim Nataxala' maye Qanatamnaxala'ai choche qami' ỹe'egueeta'ape da 'eesa da ỹataqta qauauochec, qataq qaumachiỹot da qarquiyaqteỹaxaqui qataq da qanachaalataxaqui.

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

1 Samuel 12:20

Nache so Samuel, 'enapeco': Saishet qome da qayi'i. Cha'aye 'eesa da ỹataqta qauem da qauo'oche, qalaxaye nagui nache saishet qome da qoquiỹa'ai Ñim Nataxala', nacherato' da ỹataqta qaumachiỹo'ot da qarquiyaqteỹaxaqui da qavio'oxoyiñi.

Isaías 8:13

Ñim Nataxala' maye Qaica ca Ỹaqalanapec, nacheñita maye qui'itta qanqa'eñi, qataq nacheñita maye huo'o naq 'enec qanqa'eñi, qataq nacheñi ñi ishet da qayi'iỹai da lviraxac.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Josué 24:14

«Qaq souaxat 'enauac de'era nache ỹataqta huo'o naq 'enec qome qanqa'eñi Ñim Nataxala', qataq qami' 'eesora, qataq ỹataqta qami' huesote' da qauo'onataxañiitacot Ñimaye. Nache qoquiỹa'ai qome 'enauac na atamnaxala'pi maye natameetacot co'ollaxa so hua'au qarta'ailpi, co'ollaq ñaq neta'atague da le'ego so tala Éufrates, qataq co'ollaq netaña ye Egipto, nache qavio'oxoreñi qome Ñim Nataxala'.

Deuteronómio 10:12

Qaq nagui qami' Israel le'ecpi, Ñim Nataxala' maye Qanatamnaxala'ai, ¿Negue't ca iỹaxanaique da qauo'oche? Qomye huo'o naq 'enec qanqa'eñi Ñimaye, qataq qaualaqaiguet, qataq qauauochec, qataq qaumachiỹo'ot da qarquiyaqteỹaxaqui, qataq da qanachaalataxaqui,

Deuteronómio 6:2

Yaqto' huo'o naq 'enec qanqa'eñi Ñim Nataxala' maye Qanatamnaxala'ai qataq ỹataqta qaualaqaiguet na lamaxasoxonaxacpi, lqataxacpi maye qami' samaxaleguete yaqto' qami' qataq na qoyalquipi qataq qarhuallipi ỹataqta qaỹoqtec da nachaalataxac da netalec ye 'alhua.

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Génesis 20:11

Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Deuteronómio 6:24

Ime, nache Ñim Nataxala' qomi' ỹamaxaleguete da salaxasoxoguet 'enauac ne'ena lqataxacpi, qataq huo'o naq 'enec ñaqa'enaq, yaqto' 'enauaque naua na'axa'te da qaica ca da, da qanachaalataxac, qaq 'era da 'eetec nache ivitta'a nagui.

Isaías 41:13

Cha'aye Aỹem Nataxala' maye Aỹem 'Anatamnaxala', sacoota'aguet na 'oiguishec 'arhuaq qataq 'am shenapega, sheeta': ‹Saishet qome da 'añe'etac, Aỹem 'am setauan.›»

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.