Éxodo 20:2 - La'aqtaqa Ñim Lo'onatac 'Enauacna 2013

² «Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 20:2 Referans Kwoze

Deuteronómio 5:6

Aỹem, nachaỹem Nataxala' maye Qanatamnaxala'ai, qami' ñeqateeguesopa co'ollaxa ye 'alhua Egipto, ye huaña co'ollaq choche qami' nlataqa.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Levítico 26:13

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

Salmos 81:10

Aỹem, nachaỹem Nataxala' maye 'Anatamnaxala', maye 'am ñeqateeguesop co'ollaxa ye 'alhua Egipto, ñaq 'auauachigui na 'ap, nache ỹataqta 'am comaraxaic ñaqa'en.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Levítico 19:36

Nacherata da qauo'ogoxoñiỹa aca naloqnaxaqui ca 'etaxat, qataq ca naloqnaxanaxat, qataq aca naloqnaxanaxaqui maye ỹataqta nalochiguiñi da huo'o ca qanaloqten. Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto.

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Levítico 23:43

yaqto' 'enauac ca qaỹa'alquipi ỹaỹateeta da Aỹem so'ot da qoviito'ot co'ollaxa na npe'lpi qo'oipaq lcouepi co'ollaq qami' ñeqateeguesopa ye Egipto. Qaq 'era da ỹa'aqtac, Aỹem Nataxala' maye Qanatamnaxala'ai.»

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Deuteronómio 13:10

Qalaxaye qauroilec ca coma' da qauasaqai ivitta'a da ileu. Cha'aye huotaique da qoquiỹa'ai Ñim Nataxala' maye Qanatamnaxala'ai maye qami' nqateeguesopa ye Egipto yem huaña co'ollaxa da qami' nlataqa.

Levítico 26:1

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Salmos 50:7

«Qami' ỹalamaxat nhuo' le'ecpi ñaq aỹem qana'axaỹaxañiỹa da setaqa, qami' Israel le'ecpi aỹem qami' sataỹa'agueta da qami' shenapegalo, Aỹem maye Atamnaxala' nachaỹem 'oonolec da aỹem Qanatamnaxala'ai.

Romanos 10:12

Na'aictaxa da judío le'ec huo'otaq saishet, cha'aye 'oonolec Ñim Lo'onatac 'Enauacna maye Lataxala' 'enauac na shiỹaxauapi, qaq Ñimaye ỹataqta soxoraic qataq itauan 'enauac nam iỹaxanot Ñimaye ca ntaunaguec.

Romanos 3:29

Qaq ¿peta'a Ñim Lo'onatac 'Enauacna nachaqnata nam judiopi da Lataxala'? ¿Saishet peta'a da Lataxala' nataqa'en na laỹepi shiỹaxauapi? Aja', namayepi nataqa'en Lataxala' Ñimaye.

Jeremías 31:1

Ñim Nataxala', 'eeta': «Que'eca na'a'q, nache Aỹem Natamnaxala' qome 'enauac na chegoxoguetpi so Israel, qaq namayepi nache ỹalamaxatpi qome.»

2 Crónicas 28:5

Qaq souaxat de'era nache Ñim Nataxala' maye Natamnaxala', ỹaneguet da lhuaqỹaxac so nta'a ye Siria, nache so siiriopi loxonec somayepi, nache qalota so ỹauecpi, ỹauega ye Damasco. Qaq nataqa'en Ñim Nataxala' ỹaneguet da lhuaqỹaxac so nta'a ye Israel, nache somaye ỹataqta qalota som ỹalauatpi.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 15:13

Qaq nachera da 'arauotaxanaqtaic da huo'omshe 'auauecta'aguet ne'ena 'aralamaxatpi maye 'arca'alaqtacpi, qataq nachera da 'ara'añaxac da 'auo'onataxana, da 'auauectaua'a ye 'arma' maye qui'itta.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Éxodo 20:1

Ñim Lo'onatac 'Enauacna detaqa, nache, 'eeta':

Éxodo 29:46

Huaña nache Aỹem ỹauatton da Nachaỹem Nataxala', qataq Aỹem Natamnaxala' maye ñeqateeguesop co'ollaxa ye Egipto da yaqto' sootaigui namayepi. Aỹem maye Nachaỹem Nataxala' maye Natamnaxala'.»

Levítico 11:45

Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 16:14

Qalaxaye anacta ca na'a'q maye huaigui da saishet da qoỹan ca na'aqtac da qoỹeeta', ‹Ñim Nataxala' nca'altauec, ñim nqateeguesop co'ollaxa ye Egipto so Israel le'ecpi›,

Jeremías 34:13

«Aỹem Nataxala', maye Natamnaxala' na Israel le'ecpi, so'ot co'ollaxa so ñaỹamaxataxac da ñaỹamaxate' som hua'au qarta'ailpi, co'ollaq ñeqateeguesop ye Egipto, yem huaña co'ollaxa da choche nlatacpi. Nache samaxalec co'ollaxa

Ezequiel 20:7

Nache 'enauac co'ollaxa saishet da huo'o ca seỹotauga da samaxalec da ỹaxanec nam nqaigaxat natamnaxala'pi, qataq da na nqolacpi ye Egipto saishet da ishepaxanaqchet da lataxac namayepi, cha'aye Aỹem Nataxala' nachaỹem Natamnaxala'.

Ezequiel 20:19

Qataq shenapega co'ollaxa somayepi, sheeta': Aỹem nachaỹem Nataxala', maye Aỹem Qanatamnaxala'ai. Qoquiitelec qome na iqataxacpi, qataq na llapaxañi lataxacpi,

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Levítico 25:38

Qaq 'era da ỹa'aqtac, Aỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' qami' sanema ye 'alhua Canaán da yaqto' Aỹem Qanatamnaxala'ai.

Levítico 25:42

cha'aye 'enauac na Israel le'ecpi maiche ỹalamaxat ỹamaxashecpi, cha'aye Aỹem ñeqateeguesop co'ollaxa ye Egipto, ỹoqo'oye namayepi saishet qome da huo'o ca qaimen, da yaqto' nlatacpi.

Levítico 25:55

Cha'aye qami', Israel le'ecpi maiche qami' ỹalamaxatpi, da yaqto' Aỹem qauo'onataxañiỹot, cha'aye Aỹem qami' ñeqateeguesopa co'ollaxa ye Egipto. Qaq 'era da ỹa'aqtac, Aỹem Nataxala' maye Qanatamnaxala'ai.

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Jueces 6:10

Qataq Aỹem, qami' sa'aqtaxanema co'ollaxa da Aỹem, nachaỹem Nataxala' maye Qanatamnaxala'ai, qataq da saishet da qayi'iitega so natamnaxala'pi so amorreopi, maye na'alhua co'ollaxa ne'ena qoñiitalec nagui, qalaxaye saishet co'ollaxa da Aỹem qaualaqaiguet.›»

1 Reyes 18:39

Qaq co'ollaq ỹauaachigui de'era so shiỹaxauapi, nache ỹataqta ỹa'alyiñi naua l-llecte, qataq iviraxata'aguet naqa'en naua lata'pi na 'alhua, nache 'enapeco': «¡Ñim Nataxala', nacheñi Ñim Atamnaxala', Ñim Nataxala', nacheñi Ñim Atamnaxala'!»

2 Reyes 17:7

Qaq de'era, qanayeuaigui co'ollaxa souaxato' da so Israel le'ecpi, huo'o da npe'enaxac da dataỹa'aguet Ñim Nataxala' maye Natamnaxala', maye nqateeguesop co'ollaxa ye Egipto, qataq da la'añaxac so faraón, maye nta'a ye Egipto, cha'aye somayepi natamnot so ỹaqa'a atamnaxala'pi,

2 Reyes 17:12

Qataq natameetacot so saq 'en atamnaxala'pi, maye Ñim Nataxala' saỹashenem co'ollaxa da natamnot.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Salmos 81:11

Qalaxaye ne'ena ỹalamaxat nhuo' le'ecpi saishet da aỹem hua'axaỹa, ¡na Israel le'ecpi saishet da aỹem ỹalaxaguet!

Ezequiel 20:5

Qataq qonapega, qoneta': 'Era da la'aqtac Ñim Nataxala': Co'ollaq lleca'aua'a na Israel, nache sanem so ỹa'aqtac som chegoxoguetpi namayepi, qataq ñachaxana somayepi co'ollaq huaña ye Egipto. Nache sachaxaasheguem na ihuaq nache san so ỹa'aqtac sheeta': Aỹem nachaỹem Natamnaxala' maye Qanatamnaxala'ai.

Oseas 12:10

Aỹem, shenapega co'ollaxa so na'aqtaxanaxanecpi, qataq sanem da qalota ñaqa'en na lauanaqchecpi, qataq sachegoxotchigui somayepi da qami' setaxaiguilo sauota'a nam ỹaloqnaxanaxatpi.