Éxodo 20:16 - La'aqtaqa Ñim Lo'onatac 'Enauacna 2013

¹⁶ Saishet da 'am tenataxanaxaic da choche 'auo'ot ca lasouaxashet ca 'arỹa.

Éxodo 20:16 Referans Kwoze

Proverbios 19:5

Ca ỹa'axat ca saq 'en qalaq saishet da saqaỹauo'o ca nhuaxanaguec, qataq ca shepecaic qalaq saishet da qoỹet.

Mateo 19:18

Nache so nsoq denataxan 'eeta': –¿Negue't cam namaxasoxonaxacpi? Nache So Jesús 'enapeco': –Qomye saishet da 'aualaataxan; qataq saishet da 'ancachetague' aca sa 'arhua; saishet da 'aucache, saishet da 'auatenataxan da choche 'auauotaique da 'ana'aqchet ca 'arỹa,

Salmos 15:3

qataq ca saishet da ỹasaqtapeguelec ca qauem la'aqtac ca lỹa, qataq saishet da huo'o ca ỹo'otec qauem ca nauochaxaua, qataq saishet da inogoqchet ca lauoreua,

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.

Santiago 4:11

Qami' ỹaqaỹa't, saishet da qauema naua qara'aqtaqalli' da qautaqaitega na qaraỹepi. Ca qauema naua la'aqtaqa da detaqtega ca lỹa huo'otaq quetapeguelec, nache camaye 'eeta'am da quetapeguelec qataq qauema naua la'aqtaqa da detaqtega nam lamaxasoxonaxacpi Ñim Lo'onatac 'Enauacna. Qami' iuen da qaualaqaiguet nam lamaxasoxonaxacpi Ñim Lo'onatac 'Enauacna qaq saishet da qoquiiteguelec.

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

Efesios 4:31

Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Hechos 6:13

Nache iỹaxanalo soua lỹa't na'aqtaxanaxanaqa da yaqto' ỹa'axa't ca saq 'en. Nache soomaye 'ena'apo': –De'era ỹale, damaye ỹataqta saq ỹaxaañi da qauema naua la'aqtaqa da detaqtega añi qui'itta qaro'onaxanaxaqui qataq npa'agueneto naua namaxasoxonaxaco maye chegoqo'oto so Moisés.

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

Proverbios 11:13

Ca na'aqtaqa lo'o' qaica ca ỹoxottapiguiñi, qaq ca shiỹaxaua maye npe'et qalaq choche ñe'emaxatta.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Lucas 3:14

Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Levítico 19:18

Saishet da huo'o ca ipalaique lvi' da ỹe'enaxata'aguet ca qaỹo'otec, qataq saishet da nache queta da nquiỹatega ca lỹa da huo'o ca ỹasouaxat. Nacherata da ỹauotec ca lỹa, 'eeta'am da ỹauotec da maiche nachaalataxac. Qaq 'era da ỹa'aqtac, Aỹem Nataxala'.

Deuteronómio 5:20

Saishet da qauema naua 'ara'aqtaqa da 'autaqtega ca 'arỹa.

Proverbios 25:18

Ca shiỹaxaua maye choche datenataxaalec ca nauochaxaua, camaye 'eeta'am aca nhuaxanaxanaqte qo'oipaq, ỹeelonec qataq aca checna ỹaxarai.